तामिळनाडूचे मुख्यमंत्री एमके स्टॅलिन यांनी शनिवारी महेंद्रसिंह धोनीला विशेष संदेश देऊन चेन्नई सुपर किंग्ज (CSK) च्या चाहत्यांची मने जिंकली. CSK च्या इंडियन प्रीमियर लीग (IPL) २०२१ च्या विजेतेपदाच्या सोहळ्यात ते बोलत होते. CSK ने गेल्या महिन्यात दुबई आंतरराष्ट्रीय स्टेडियमवर झालेल्या फायनलमध्ये कोलकाता नाईट रायडर्सचा पराभव करून IPL २०२१ चे विजेतेपद पटकावले.

 या समारंभात बोलताना एमके स्टॅलिन म्हणाले, “प्रिय महेंद्रसिंह धोनी, तू अनेक सीझनसाठी चेन्नई सुपर किंग्जचे नेतृत्व करावे अशी आमची इच्छा आहे. धोनी तू झारखंडचा आहेस पण आमच्यासाठी, तामिळनाडूच्या लोकांसाठी तू आमच्यापैकी एक आहेस”.

आणखी वाचा
Lok Sabha Elections Union Minister Jitendra Singh from Udhampur Constituency in Jammu Congress challenge to him
जितेंद्र सिंह यांच्यापुढे एकत्रित विरोधकांचे आव्हान
Uneasiness in Congress as Priyanka Gandhi is not getting a meeting
चंद्रपूर : प्रियंका गांधींची सभा मिळत नसल्याने काँग्रेसमध्ये अस्वस्थता; मुख्यमंत्री रेवंत रेड्डींची सभाही रद्द
tejashwi yadav on modi guarantee
“पंतप्रधान नरेंद्र मोदींची गॅरंटी ही चीनच्या वस्तूंसारखी…”, तेजस्वी यादव यांचा भाजपाला टोला
Sunita Kejriwal is likely to become Delhi Chief Minister
सुनीता केजरीवाल यांच्याक़डे मुख्यमंत्रीपद येण्याची शक्यता

मुख्यमंत्री स्टॅलिन धोनीचे चाहते

स्टॅलिन म्हणाले, “मी येथे तामिळनाडूचा मुख्यमंत्री म्हणून नाही तर धोनीचा चाहता म्हणून आलो आहे. केवळ मीच नाही तर येथे उपस्थित असलेली माझी नातवंडेही त्याचे चाहते आहेत. माझ्या दिवंगत वडिलही धोनीचे चाहते होते. मी धोनीला आवाहन करतो की, आता निवृत्तीचा विचार करू नका कारण आम्हाला त्याला पुढील अनेक वर्षे चेन्नईच्या कर्णधारपदी पहायचे आहे.”

धोनी म्हणाला, मी नेहमी माझ्या खेळाची योजना बनवत असतो. त्याने आपला शेवटचा एकदिवसीय सामना जन्मगावी रांची येथे खेळल्याचे सांगितले. तो म्हणाला, “आशा आहे की माझा शेवटचा टी -२० सामना चेन्नईतच होईल. तो पुढच्या वर्षी होईल की पुढच्या पाच वर्षात, हे माहित नाही.”