सुलतान जोहर चषक हॉकीत भारताला कांस्यपदक, मलेशियावर ४-० ने मात

मात्र मलेशियाविरुद्धच्या सामन्यात भारतीय खेळाडूंनी कोणतीही कसर बाकी ठेवली नाही. ११ व्या मिनीटाला कर्णधार विवेक प्रसादने गोल करत भारताचं खातं उघडलं. मणिंदर सिंहच्या पासवर उजव्या बाजूने गोल करत भारतीय कर्णधाराने आपल्या लौकिकाला साजेसा खेळ केला. यानंतर अवघ्या काही मिनीटात दिलप्रीत सिंहने दिलेला पास योग्य पद्धतीने हेरत विशाल अंतिलने बॉलला गोलपोस्टची दिशा दाखवत सामन्यात पहिल्या सत्राच्या अखेरीस २-० अशी आघाडी घेतली.

दुसऱ्या सत्रातही भारतीय खेळाडूंनी सामन्यावर आपलं वर्चस्व कायम राखत, मलेशियावर दबाव टाकण्यास सुरुवात केली. ठराविक अंतराच्या काळात भारताने दोन गोल झळकावत सामन्यात मध्यांतरापर्यंत ४-० अशी भक्कम आघाडी घेतली. अखेरच्या सत्रात मलेशियाने सामन्यात पुनरागमन करण्याचे जोरदार प्रयत्न केले. मात्र भारतीय बचावफळीने मलेशियाच्या खेळाडूंना दाद लागू दिली नाही. भारताचा गोलकिपर शंकरने मलेशियाची अनेक आक्रमणं थोपवून धरली. याचा फायदा घेत भारताने सामन्यात ४-० असा विजय मिळवत कांस्यपदकाची कमाई केली.