बॉलिवूड अभिनेता सुशांत सिंग राजपूत याचा मृत्यू १४ जूनला झाला. प्रथमदर्शनी आत्महत्या वाटणाऱ्या या प्रकरणाला हळूहळू वेगळेच वळण लागताना दिसत आहे. सुरूवातीला या प्रकऱणाचा तपास मुंबई पोलिसांकडे होता. मात्र आता सुशांत मृत्यू प्रकरणाचा तपास सीबीआयकडे सुपूर्द करण्यात आला आहे. या प्रकरणी सध्या संशयाची सुई अभिनेत्री आणि सुशांतची गर्लफ्रेंड रिया चक्रवर्ती हिच्याभोवतीच आहे. सीबीआयमार्फत या प्रकरणाशी संबंधित असलेल्यांशी चौकशी सुरू आहे. त्याचदरम्यान नुकतीच आंतरराष्ट्रीय निवृत्ती जाहीर केलेला चेन्नई सुपर किंग्जचा बडा खेळाडू सुरेश रैना याने खास ट्विट केले आहे. IPL 2020साठी युएईमध्ये दाखल झाल्यानंतर त्याने प्रथमच सुशांत प्रकरणावर भाष्य केले. त्याने एक व्हिडीओ ट्विट केला. रैना आपल्या रूममध्ये येताना दिसतो आणि तेथे आयपॅडवर सुशांतचा फोटो दिसतो असा तो व्हिडीओ आहे. त्या व्हिडीओसोबत त्याने एक भावनिक संदेशही लिहीला. Brother you will always be alive in our hearts, your fans miss you more than anything! I have full faith on our government & it’s leaders who will leave no stone unturned to bring you justice, you are a true inspiration!#GlobalPrayersforSSR #JusticeforSSR@narendramodi pic.twitter.com/dziQlhr2vn — Suresh Raina (@ImRaina) August 24, 2020 "भावा, तू आमच्या हृदयात कायम राहशील. तुझे चाहते तुला सर्वात जास्त मिस करत आहेत. माझा सरकार आणि नेत्यांवर पूर्ण विश्वास आहे. सर्व प्रकारचा तपास करून तुला नक्की न्याय मिळेल", असे त्याने ट्विट केले. याचसोबत त्याने #GlobalPrayersforSSR, #JusticeforSSR हे हॅशटॅग वापरून ट्विटमध्ये पंतप्रधान नरेंद्र मोदी यांना टॅग केले आहे.
