७ ऑगस्ट २०२१ ही तारीख भारतासाठी ऐतिहासिक ठरली आहे. टोक्यो ऑलिम्पिकमध्ये भालाफेकपटू नीरज चोप्राने सुवर्णपदक मिळवत नवा इतिहास रचला आहे. ऑलिम्पिक स्पर्धेत अॅथलेटिक्समध्ये पदक मिळवणारा नीरज भारताचा पहिला खेळाडू ठरला आहे. नीरजने पात्रता फेरीतच आपले कौशल्य सिद्ध केले होते. प्रत्येक खेळाडूप्रमाणे नीरजलाही ऑलिम्पिक पदक जिंकण्यासाठी अनेक अडचणींना सामोरे जावे लागले. गरीब शेतकरी कुटुंबातील नीरजने कमावलेल्याच्या यशामागे एक प्रेरणादायी कथा आहे. नीरज चोप्राच्या सुवर्णपदकाची यशोगाथा वजन कमी करण्यापासून सुरू होते. वयाच्या १०-११व्या वर्षी नीरज चोप्राचे वजन जास्त होते. वडील आणि काकांनी नीरजला त्याचे वजन कमी करण्यासाठी पानिपतच्या शिवाजी स्टेडियममध्ये पाठवले, जिथे त्याला अनेक खेळ खेळवले गेले. नीरज चोप्राचे वजन खूप जास्त होते, त्यामुळे तो ना वेगाने धावू शकत होता, ना लांब उडी आणि उंच उडी मारू शकत होता. एके दिवशी, त्याच्या मित्रांसोबत फिरत असताना, नीरजने काही खेळाडूंना स्टेडियममध्ये भाला फेकताना पाहिले. HISTORY. MADE. Neeraj Chopra of #IND takes #gold in the #Athletics men’s javelin final on his Olympic debut! He is the first Indian to win an athletics medal and only the second to win an individual medal!@WorldAthletics | #StrongerTogether | #Tokyo2020 | @WeAreTeamIndia pic.twitter.com/zBtzHNqPBE — Olympics (@Olympics) August 7, 2021 हेही वाचा - “बाहुबली, आम्ही सर्वजण.'', नीरज चोप्राबाबत उद्योगपती आनंद महिंद्रांनी केलं हटके ट्वीट नीरजनेही गमतीने भाला उचलला आणि पूर्ण शक्तीने फेकला. नीरजची भालाफेक पाहून सगळेच स्तब्ध झाले. वयाच्या ११व्या वर्षी नीरज चोप्राने २५ मीटरपेक्षा जास्त दूर तो भाला फेकला. त्यानंतर नीरज स्वतः या खेळाच्या इतक्या प्रेमात पडला. त्याने रोज ७-८ तास भाला फेकण्याचा सराव सुरू केला. गरीब परिस्थितीत उचलला भाला. नीरज चोप्राने भाला उचलला, पण आता त्याच्यासमोर सर्वात मोठी समस्या होती ती गरिबीची. नीरज एक शेतकरी कुटुंबातील आहे, ज्यांची आर्थिक स्थिती चांगली नव्हती. एकूण १७ सदस्य असलेल्या कुटुंबात नीरज राहत होता. नीरजला सात हजार रुपयांचा भाला मिळणेही शक्य नव्हते. तसे, एका भाल्याची किंमत त्यावेळी दीड लाख रुपये होती. नीरजच्या हातात एक स्वस्त भाला होता, पण असे असूनही त्याचा आत्मविश्वास कमालीचा होता. त्याने भाला फेकण्याचा सराव सुरू केला आणि तो तासनतास सराव करू लागला. IT'S JAVELIN GOLD FOR INDIA @Neeraj_chopra1 is the #Tokyo2020 javelin champion with 87.58m! He becomes the first Indian athlete in history to win an #Olympics title in #athletics pic.twitter.com/YEj5IaL8ML — World Athletics (@WorldAthletics) August 7, 2021 यूट्यूबवर व्हिडिओ पाहून घेतले प्रशिक्षण नीरज चोप्राने असेही दिवस पाहिले, जेव्हा त्याच्याकडे प्रशिक्षक नव्हता पण असे असूनही त्याने हार मानली नाही. त्याने यूट्यूबवर व्हिडिओ पाहून भाला फेकण्याचे प्रशिक्षण घेतले. तो दररोज व्हिडिओ बघायचा आणि शेतात त्याची नक्कल करण्याचा प्रयत्न करायचा. लवकरच नीरज चोप्राने यमुनानगरमध्ये प्रशिक्षण घेण्यास सुरुवात केली.