कुस्तीपटू विनेश व बजरंगचा भारतीय रेल्वेतील नोकरीचा राजीनामा, काँग्रेसच्या तिकीटावर विधानसभेच्या रिंगणात उतरणार?

विनेशने एक्सवर पोस्ट करत दिली राजीनाम्याची माहिती –

विनेश फोगटने भारतीय रेल्वेला पत्र लिहून राजीनामा सादर केला आहे. एक्सवर पत्र शेअर करताना विनेशने लिहिले की, “भारतीय रेल्वेची सेवा करणे हा माझ्या आयुष्यातील संस्मरणीय आणि अभिमानाचा काळ आहे. माझ्या आयुष्याच्या या वळणावर, मी रेल्वे सेवेपासून वेगळे होण्याचा निर्णय घेतला आहे आणि भारतीय रेल्वेच्या सक्षम अधिकाऱ्यांकडे माझे राजीनामा पत्र सादर केले आहे. देशाच्या सेवेत रेल्वेने मला दिलेल्या या संधीबद्दल मी भारतीय रेल्वे परिवाराची सदैव ऋणी राहीन.”

बजरंग पुनियाने पण दिला राजीमनामा –

बजरंग पुनिया भारतीय रेल्वेमध्ये ऑफिसर ऑन स्पेशल ड्युटी पदावर कार्यरत होता. मात्र आता त्यानी पण राजीनामा दिला आहे. हरियाणा निवडणुकीसाठी काँग्रेस पक्ष बजरंगला तिकीट देऊ शकतो. हरियाणात ५ ऑक्टोबरला विधानसभा निवडणुका आहेत. ८ ऑक्टोबर रोजी मतमोजणी होणार आहे. पण त्याआधी १ आणि ४ तारखेला होणार होते. मात्र, आता तारीख बदलली आहे. बजरंग आणि विनेशच्या मुद्द्यावर कुस्तीपटू साक्षी मलिकने प्रतिक्रिया दिली आहे.

हेही वाचा – Vinesh Phogat : विनेश फोगट आणि बजरंग पुनिया काँग्रेस पक्षात, कुस्तीच्या आखाड्यातून थेट राजकारणात

आमच्या आंदोलनाला चुकीचे स्वरूप देऊ नये – कुस्तीपटू साक्षी मलिक

कुस्तीपटू साक्षी मलिक म्हणाली, “बजरंग आणि विनेश हे दोघेही काँग्रेस पक्षात प्रवेश करणार आहेत. यामुळे ते राजीनामा देत आहेत. हा त्याचा वैयक्तिक निर्णय आहे. आमच्या आंदोलनाला चुकीचे स्वरूप देऊ नये. महिलांसाठीची माझी चळवळ अजूनही कायम आहे. मी नेहमीच कुस्तीच्या हिताचा विचार केला आहे.”

हेही वाचा – PAK vs BAN : पीसीबी म्हणजे एक सर्कस, त्यात अनेक जोकर भरलेत; माजी खेळाडूची कठोर शब्दात टीका

गेल्या काही दिवसापासून अशी अटकळ बांधली जात आहे की विनेश फोगट आणि बजरंग पुनिया आज औपचारिकपणे काँग्रेसमध्ये प्रवेश करू शकतात. विनेश फोगट त्यांना भेटण्यासाठी काँग्रेस प्रदेशाध्यक्ष मल्लिकार्जुन खरगे यांच्या घरी गेली होती. अशा परिस्थितीत विनेश आणि बजरंग हरियाणातून काँग्रेसच्या तिकीटावर निवडणूक लढवू शकतात, अशी अटकळ बांधली जात आहे.