Happy Birthday Virat Kohli: भारतीय क्रिकेट संघाच्या प्रत्येक खेळाडूचा एक खास जर्सी क्रमांक असतो आणि त्यामागेही एक खास कथा असते. पण आज आपण भारतीय क्रिकेट संघाचा स्टार खेळाडू विराट कोहलीच्या जर्सी क्रमांकाबद्दल बोलणार आहोत, कारण आज विराट कोहलीचा ३५वा वाढदिवस आहे. विराटच्या आयुष्यात अनेक बदल झाले पण एक गोष्ट जी आजपर्यंत बदललेली नाही, ती म्हणजे त्याचा ‘जर्सी नंबर’.

विराट कोहलीच्या जर्सी नंबरबद्दल सांगण्यापूर्वी, विराटच्या जन्माबद्दल जाणून घेऊया. विराट कोहलीचा जन्म ०५ नोव्हेंबर १९८८ रोजी दिल्लीत झाला होता. आज कोहली त्याचा ३५ वा वाढदिवस साजरा करत आहे. त्याने भारतासाठी खूप धावा केल्या आणि अनेक विक्रम केले. आंतरराष्ट्रीय क्रिकेटमध्ये सचिन तेंडुलकरनंतर विराट कोहलीच्या नावावर सर्वाधिक शतकांचा विक्रम आहे. म्हणूनच कोहलीला आधुनिक क्रिकेटममधील महान खेळाडून म्हटले जाते.

Dipendra Singh Airee Sixes Video
Dipendra Singh Airee : ६ चेंडूवर सलग ६ षटकार मारत नेपाळच्या फलंदाजाने कतारच्या गोलंदाजाला फोडला घाम, पाहा VIDEO
Tanush Kotian made his IPL 2024 debut
PBKS vs RR : राजस्थानसाठी IPL पदार्पण करणारा कोण आहे तनुष कोटियन? ज्याने १०व्या क्रमांकावर झळकावलंय शतक
Why is Smriti Mandhanas success in WPL important for Indian cricket
विश्लेषण : स्मृती मनधानाचे ‘डब्ल्यूपीएल’मधील यश भारतीय क्रिकेटसाठी का महत्त्वाचे?
Hardik Pandya is the captain but Rohit Sharma is always there for the team
IPL 2024 : ‘हार्दिक कर्णधार आहे पण रोहित…’, मुंबई इंडियन्सच्या संघातील वातावरणावर तिलक वर्मा काय म्हणाला?

पण आज आपण विराटचा विक्रम, आयुष्य, लव्ह लाइफ, नेट वर्थ इत्यादींबद्दल नाही, तर त्याच्या जर्सीबद्दल बोलणार आहोत. विराट कोहली ‘१८’ क्रमांकाची जर्सी का घालतो ते जाणून घेऊया. सामान्यतः सर्व खेळाडूंना त्यांच्या जर्सीवर एक नंबर लिहिलेला असतो, जो त्यांचा भाग्यवान क्रमांक किंवा जन्म क्रमांक असतो. पण १८ हा कोहलीचा जन्म क्रमांक किंवा लकी नंबर नाही. कोहलीचा लकी नंबर ९ आहे आणि त्याची जन्मतारीख ५ आहे. यानंतरही तो १८ नंबरची जर्सी घालतो. याचे कारण जाणून घेतल्यावर तुम्ही भावुक व्हाल.

हेही वाचा – India vs South Africa, World Cup 2023: भारत वि. द. आफ्रिका सामन्याच्या तिकिटांमध्ये मोठा घोटाळा? BookMyShow, CAB व BCCI ला पोलिसांच्या नोटिसा!

…म्हणून कोहली १८ नंबरची जर्सी घालतो –

विराट कोहलीने त्याच्या नेतृत्वाखाली आयसीसी अंडर-१९ विश्वचषक जिंकला, तेव्हा त्याने १८ क्रमांकाची जर्सी घातली होती. १८ डिसेंबर २००६ रोजी कोहलीच्या वडिलांचे निधन झाले. वडिलांच्या निधनाच्या दिवशी विराट रणजी सामना खेळत होता. विराटने आंतरराष्ट्रीय क्रिकेट खेळावे, असे त्याच्या वडिलांचे स्वप्न होते. म्हणून, जेव्हा विराटने २००८ मध्ये भारतासाठी पदार्पण केले, तेव्हा तो नेहमी त्याच्या वडिलांच्या प्रेमामुळे आणि स्मरणार्थ या नंबरची जर्सी घालतो, जे त्याच्यासाठी भाग्यवान देखील आहे. कोहलीच्या मते, हा आकडा त्याला त्याच्या वडिलांच्या जवळचा वाटतो.

अंकशास्त्रात १८ हा अंक विशेष आहे –

१८ हा अंक विशेष आणि शुभ मानला जातो. अंकशास्त्रानुसार त्याची बेरीज ९ आहे, म्हणजे १+८=९. अंकशास्त्रात ९ ही संख्या खूप शक्तिशाली मानली जाते. ९ क्रमांक मंगळ ग्रहाशी संबंधित आहे.

हिंदू धर्मात १८ क्रमांकाचे महत्त्व –

हिंदू धर्मात १८ क्रमांकाचे विशेष महत्त्व आहे. कारण धर्माशी संबंधित एकूण सिद्धींची संख्या (अनिमा, लघिमा, प्राप्ती, प्राकाम्या, महिमा, सिद्धी, इशित्व किंवा वशित्व, सर्वकामवास्यता, सर्वज्ञ, द्वार-श्रवण, सृष्टी, परकायप्रवेशण, वाकसिद्धी, कल्पवृक्षत्व, संहारकारनायत्व, संहारकत्व, संहारकत्व, सृष्टी, श्रवण) १८ देखील आहे.

हेही वाचा – IND vs SA : विराट कोहली वाढदिवशी सचिनच्या विक्रमाशी बरोबरी करू शकेल का? जाणून घ्या कोलकात्यातील त्याची आकडेवारी

हिंदू धर्माच्या ज्ञानाचे १८ प्रकार देखील आहेत ( वेदांग, चार वेद, पुराण, मीमांसा, न्यायशास्त्र, धर्मशास्त्र, अर्थशास्त्र, धनुर्वेद आणि गंधर्ववेद).
१८ प्रकारचे पीरियड्स देखील आहेत, ज्यामध्ये एक वर्ष, पाच ऋतू आणि १२ महिने समाविष्ट आहेत. श्रीकृष्णाचा संबंधही १८ अंकाशी आहे. कारण गीतेत १८ अध्याय आहेत आणि ज्ञानसागरातही १८ हजार श्लोक आहेत.

माता भगवतीचीही १८ रूपे आणि १८ हात आहेत. माता भगवतीची १८ रूपे आहेत – काली, तारा, छिन्नमस्ता, षोडशी, त्रिपुरभैरवी, धुमावती, बगलामुखी, मातंगी, कुष्मांडा, कात्यायनी, दुर्गा, लक्ष्मी, सरस्वती, गायत्री, पार्वती, श्रीराधा, सिद्धिदात्री आणि भगवती.