’ कराची : भारताविरुद्ध ट्वेन्टी-२० विश्वचषकातील सामन्यात पाकिस्तानचा सलामीवीर मोहम्मद रिझवानने विश्रांतीच्या वेळेमध्ये मैदानात नमाजाचे पठण केले. त्याचे कौतुक करताना पाकिस्तानचा माजी कर्णधार वकार युनिसने वादग्रस्त विधान केले. ‘‘रिझवानने हिंदू लोकांमध्ये उभे राहून नमाजाचे पठण केले हे मला आवडले,’’ असे वकार म्हणाला. त्याच्यावर प्रख्यात समालोचक हर्षां भोगले, भारताचा माजी गोलंदाज वेंकटेश प्रसाद यांच्यासह अनेकांनी टीका केल्यावर त्याने सर्वाची माफी मागितली.