”ट्विटर उघडलं तेव्हा माझा नवरा…”, होळीच्या फोटोवर अक्रमच्या बायकोची प्रतिक्रिया

अक्रमची पत्नी शनीरा म्हणाली, ”आज जेव्हा ट्विटर उघडले तेव्हा माझ्या लक्षात आले की, माझा नवरा अंडरवेअरमध्ये आहे. ही सामान्य गोष्ट आहे का?” या प्रतिक्रियेवर अक्रमनेही आपले उत्तर दिले. तो म्हणाला, ”ही एक नवीन सामान्य  गोष्ट आहे पत्नी आणि तुझ्या माहितीसाठी मला सांगायचे आहे की, ही त्यावेळी असणारी शॉर्ट्स होती.”

It’s a new normal biwi and for your kind information they are shorts they were it then https://t.co/jeDlLyf2JJ

— Wasim Akram (@wasimakramlive) March 30, 2021

गौतम भिमानी यांनी फोटोला ”माझ्या आवडत्या क्रिकेट होळीची आठवण”, असे कॅप्शन दिले आहे. वसीम अक्रमनेही भिमानी यांची ही पोस्ट रिट्विट करत चाहत्यांना होळीच्या शुभेच्छा दिल्या आहेत. ”होळीच्या शुभेच्छा. काय दिवस होते ते. 1987चा भारत दौरा”, असे अक्रमने शेअर केलेल्या पोस्टच्या कॅप्शनमध्ये म्हटले आहे.

1987मध्ये पाकिस्तानी संघ इम्रान खानच्या नेतृत्वात भारत दौर्‍यावर होता. या दोन संघांमध्ये पाच कसोटी सामन्यांची मालिका आणि सहा सामन्यांची एकदिवसीय मालिका खेळली गेली. त्यावेळी वसीम अक्रमदेखील पाकिस्तान संघाचा एक भाग होता. त्यावेळी तो अवघ्या 20 वर्षाचा होता.

पाकिस्तान क्रिकेटमधील एक महान खेळाडू म्हणून वसीम अक्रमचे नाव घेतले जाते. त्याने आंतरराष्ट्रीय कारकिर्दीत 6615 धावा केल्या आणि एकूण 916 बळी घेतले.