Video: WPL मध्ये इस्सी वोंगने रचला इतिहास; फलंदाजांच्या केल्या दांड्या गुल, पाहा विकेट हॅट्रिकचा व्हिडीओ

इस्सीने धडाकेबाज फलंदाजी करणाऱ्या किरण नवगिरेला ४३ धावांवर झेलबाद केलं. त्यानंतर सोफी एक्लेस्टोन आणि सिमरन शेखची दांडी गुल करत इस्सीने डब्ल्यूपीएलच्या इतिहासात पहिल्या विकेट हॅट्रिकची नोंद केली. इस्सी वोंगचा विकेट हॅट्रिकचा व्हिडीओ महिला प्रीमियर लीगच्या ट्वीटर हॅंडलवर शेअर करण्यात आला आहे.

इथे पाहा व्हिडीओ

दरम्यान, मुंबईची कर्णधार हरमनप्रीत कौरला आक्रमक खेळी करून मोठी धावसंख्या साकारता आली नाही. सोफी एक्लस्टोनच्या फिरकीवर कौर १४ धावांवर असताना त्रिफळाचीत झाली. सौफीने कौरची दांडी गुल केल्याचा व्हिडीओ ट्वीटरवर तुफान व्हायरल झाला आहे. दरम्यान, सिवर ब्रंटने आणि केरने धडाकेबाज फलंदाजी करून यूपीच्या गोलंदाजांचा धुव्वा उडवला. सिवरने ३८ चेंडूत ७२ धावा कुटल्या. तर केरने १९ चेंडूत २९ धावा केल्या. या धावांच्या जोरावर मुंबई इंडियन्सने २० षटकांत ४ विकेट्स गमावत १८२ धावांपर्यंत मजल मारली होती.

मुंबई इंडियन्स आणि यूपी वॉरियर्समध्ये पॉवर प्ले मध्ये रंगतदार सामना सुरु असतानाच दिप्ती शर्माच्या गोलंदाजीवर सामन्याला वेगळं वळण लागलं. कारण मुंबईची सलामीवीर फलंदाज हेली मॅथ्यूजने मोठा फटका मारून हवेत चेंडू मारला होता. त्याचदरम्यान अंजली सरवानीने जबरदस्त झेल घेतला. पण रिप्लाय पाहिल्यानंतर अंजलीचे बोट जमिनीला टेकलेले दिसले आणि मॅथ्यूजला जीवदान मिळाला.