इंग्रजीतून बोलायला सांगणाऱ्या चाहत्याला रोहितचं सडेतोड उत्तर, म्हणाला..

या लाईव्ह चॅटदरम्यान एका चाहत्याने रोहितला इंग्रजीतून बोल असं सांगितलं. यावर थोडासा नाराज झालेल्या रोहितने आपल्या नेहमीच्या शैलीत उत्तर दिलं. “मला काहीजणं सांगतायत की इंग्रजीत बोल, पण सध्या आपण सर्व भारतीय आहोत आणि आम्ही हिंदीतूनच बोलणार आहोत. मी फक्त मुलाखती देताना इंग्रजीत बोलतो, सध्या मी घरी आहे.” जसप्रीत बुमराहनेही रोहित शर्माला आपलं समर्थन दर्शवलं.

काही दिवसांपूर्वी रोहितने इंग्लंडचा माजी क्रिकेटपटू केविन पिटरसनशी लाईव्ह चॅट केलं होतं. यामध्ये रोहितने आपल्या कारकिर्दीबद्दल काही प्रश्नांची उत्तरं दिली. २९ मार्चपासून सुरु होणारी आयपीएल स्पर्धा बीसीसीआयने १५ एप्रिलपर्यंत पुढे ढकलली आहे. मात्र देशात करोनामुळे सध्याची परिस्थिती पाहता १५ एप्रिलपासून आयपीएल सुरु होईल की नाही याबद्दल साशंकता आहे. दरम्यान बीसीसीआय सप्टेंबर-ऑक्टोबर महिन्याच्या कार्यकाळात आयपीएल खेळवण्याचा विचार आहे. मात्र यासाठी बीसीसीआयला आयसीसीच्या दरबारी मोठे प्रयत्न करावे लागणार आहेत.