India Women’s vs Pakistan Women’s World Cup 2022: विश्वचषकात पाकिस्तानकडून कधीही हरला नाही भारत, एकदिवसीय सामन्यांमध्येही चांगली कामगिरी

याआधी विश्वचषकात दोन्ही संघ दोनदा आमनेसामने आले आहेत आणि दोन्ही वेळा भारतीय संघाने बाजी मारली आहे. तर एकूण एकदिवसीय विक्रमाबद्दल बोलायचे झाल्यास भारतावे पाकिस्तानला कायमच नमवले आहे . म्हणजेच भारतीय संघाने सर्व १० एकदिवसीय सामन्यांमध्ये पाकिस्तानविरुद्ध विजय मिळवला आहे. २०१७ आणि २००९ च्या विश्वचषकातील दोन्ही सामन्यात पाकिस्तानने भारताविरुद्ध १०० धावांचा टप्पाही गाठलेला नाही. २०१७ च्या विश्वचषकात भारताने पाकिस्तानचा ९५ धावांनी पराभव केला होता. या सामन्यात एकता बिश्तने १८ धावांत सर्वाधिक पाच बळी घेतले. यापूर्वी २००९ च्या विश्वचषकात भारताने पाकिस्तानविरुद्ध १० गडी राखून शानदार विजय नोंदवला होता.

वर्ल्ड कपमधील भारतीय संघाचे संपूर्ण वेळापत्रक

• भारत विरुद्ध पाकिस्तान – ६ मार्च, सकाळी ०६.३० वा.
• न्यूझीलंड विरुद्ध भारत – १० मार्च, सकाळी ०६.३० वा.
• भारत विरुद्ध वेस्ट इंडिज – १२ मार्च, सकाळी ०६.३० वा.
• भारत विरुद्ध इंग्लंड – १६ मार्च, सकाळी ०६.३० वा.
• भारत विरुद्ध ऑस्ट्रेलिया – १९ मार्च, सकाळी ०६.३० वा.
• भारत विरुद्ध बांगलादेश – २२ मार्च, सकाळी ०६.३० वा.
• भारत विरुद्ध दक्षिण आफ्रिका – २७ मार्च, सकाळी ०६.३० वा.