Women’s Asia Cup: Bangladesh beat Thailand by 9 wickets in asia cup 1st match avw 92 | Loksatta

Women’s Asia Cup: गतविजेत्या बांगलादेशने विजयाने सुरुवात करत आशिया चषकातील सर्वात मोठा नोंदवला विजय

बांगलादेश संघाने महिला आशिया चषकात त्यांचा गडी राखून चौथा सर्वोच्च विजय नोंदवला. दुसऱ्यांदा त्याने ९ गड्याने विजय मिळवला.

Women’s Asia Cup: गतविजेत्या बांगलादेशने विजयाने सुरुवात करत आशिया चषकातील सर्वात मोठा नोंदवला विजय
संग्रहित छायाचित्र (इंडियन एक्सप्रेस)

गतविजेत्या बांगलादेशने महिला आशिया चषक टी२० मध्ये विजयाने आपल्या मोहिमेची सुरुवात केली. दुबळ्या थायलंड महिला संघाला ८२ धावांवर बाद केल्यानंतर यजमानांनी १२ व्या षटकात १ गड्याच्या मोबदल्यात लक्ष्याचा पाठलाग केला. शमीमा सुलतानाचे अर्धशतक हुकले असले तरी तिने संघाला साजेसी अशी खेळी केली. ती ४९ धावांवर बाद झाली. या विजयासह बांगलादेशच्या महिला संघाने मोठी कामगिरी केली.

बांगलादेशचा दुसरा मोठा नऊ गडी राखून विजय

बांगलादेशच्या संघाने महिला आशिया कप टी२० प्रकारामध्ये गडी राखून चौथा सर्वोच्च विजय नोंदवला. दुसऱ्यांदा त्याने ९ गड्याने विजय मिळवला. बांगलादेश व्यतिरिक्त याआधी पाकिस्तान आणि थायलंडने १-१ वेळा ९ गडी राखून विजय मिळवला आहे. याआधी बांगलादेशनेही जून २०१८ मध्ये थायलंडचा पराभव केला होता. दुसरीकडे, पाकिस्तानने नोव्हेंबर २०१६ मध्ये बांगलादेशचा पराभव केला होता. जून २०१८ मध्ये थायलंडने मलेशियाचा पराभव केला.

तत्पूर्वी, थायलंड संघाने नाणेफेक जिंकून प्रथम फलंदाजी करण्याचा निर्णय घेतला. त्यांचे ७ फलंदाज दुहेरी आकडा देखील पार करू शकले नाहीत. फॅनिटा मायाने २६ आणि नत्थाकन चँथमने २० धावा केल्या. याशिवाय रोसेनन कानोहने ११ आणि सोर्नारिन टिपोचने १० धावा केल्या. बांगलादेशकडून रुमाना अहमदने ३ षटकांत ९ धावा देत ३ बळी घेतले. याशिवाय नाहिदा अख्तर, शांजिदा अख्तर आणि शोहले अख्तर यांनी अनुक्रमे  २-२ बळी घेतले. तर सलमा खातूनने १ बळी घेतला.

हेही वाचा :   Women’s Asia Cup 2022: जेमीमाह रोड्रिगेझची तुफानी खेळी! भारतीय महिला संघाचा श्रीलंकेवर ४१ धावांनी विजय

प्रत्युत्तर देताना बांगलादेशला यष्टिरक्षक फलंदाज शमीमा सुलताना आणि फरगाना हक यांनी चांगली सुरुवात करून दिली. ८३ धावांच्या लक्ष्याचा पाठलाग करताना दोघींनी पहिल्या गड्यासाठी ४९ चेंडूत ६९ धावांची भागीदारी केली. सुलतानाने ३० चेंडूत १० चौकारांच्या मदतीने ४९ धावा केल्या. थिपाचा पुथावोंगने तिला  बाद केले. फरगाना २६ आणि कर्णधार निगार सुलतानाने १० धावांची नाबाद खेळी खेळली. त्याने १२व्या षटकातील चौथ्या चेंडूवर षटकार ठोकत संघाला विजय मिळवून दिला.

मराठीतील सर्व क्रीडा ( Krida ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
Jasprit Bumrah: बीसीसीआय अध्यक्ष सौरव गांगुली यांचे जसप्रीत बुमराह संदर्भात मोठे विधान म्हणाले, टी२० खेळू शकतो…

संबंधित बातम्या

IND vs NZ: मायकल वॉनने धवन-लक्ष्मणच्या निर्णयावर उपस्थित केले प्रश्न; म्हणाला, ‘टीम इंडिया जुन्या….!’
IND vs NZ 2nd ODI: करो या मरो! मालिका वाचवण्यासाठी भारताला दुसऱ्या सामन्यात विजय आवश्यक, कशी असेल प्लेईंग ११ जाणून घ्या
IND vs NZ ODI Series: न्यूझीलंडविरुद्धची एकदिवसीय मालिका तुम्हाला या चॅनलवर live पाहता येणार तेही अगदी निशुल्क
विश्लेषण: फुटबॉलमध्ये ‘ऑफसाइड’ म्हणजे काय? २०२२ ‘फिफा’ विश्वचषकात कोणते तंत्रज्ञान वादग्रस्त ठरत आहे?
ऑस्ट्रेलियन क्रिकेट संघाचे माजी प्रशिक्षक जस्टीन लँगर यांनी संघावर केला खळबळजनक आरोप

व्हिडिओ

ताज्या बातम्या
पैशांचा अपहार झालाय? चिंता करू नका, Cyber Fraud झाल्यावर या नंबरवर कॉल करा अन् पैसै वाचवा
“…तेव्हा तेव्हा विक्रमकाका तुमची उणीव भासत राहील” अमोल कोल्हे हळहळले
‘Squid Game’ या लोकप्रिय वेबसीरिजमधील अभिनेत्यावर लैंगिक शोषणाचा आरोप; पाच वर्षांपूर्वी घडलेला प्रकार आला समोर
“गुवाहाटीला जाण्यासाठी शिंदे गटाकडे पैसे कुठून आले?” चार्टर्ड विमानाच्या प्रवासावरून प्रश्नचिन्ह उपस्थित, चौकशीची मागणी
IND vs NZ 2nd ODI: करो या मरो! मालिका वाचवण्यासाठी भारताला दुसऱ्या सामन्यात विजय आवश्यक, कशी असेल प्लेईंग ११ जाणून घ्या