विश्वचषक बुद्धिबळ स्पर्धा: एरिगेसीची प्रज्ञानंदवर सरशी; पहिल्या डावात कार्लसनची गुकेशवर मात

पाच वेळचा विश्वविजेता कार्लसनने १७ वर्षीय गुकेशवर काळय़ा मोहऱ्यांनी खेळताना विजय मिळवला. या डावात ३४व्या चालीत गुकेशने चूक केली आणि कार्लसनने या संधीचा फायदा घेतला. अखेर ४८ चालींनंतर गुकेशने हार मान्य केली. या विजयानंतर उपांत्य फेरी गाठण्यासाठी आता कार्लसनला दुसऱ्या डावात केवळ बरोबरीही पुरेशी ठरणार आहे.

अन्य उपांत्यपूर्व लढतीत, भारताच्या विदित गुजराथीला स्थानिक खेळाडू निजात अबासोव्हने बरोबरीत रोखले. तर, लिनिएर डोमिंगेझ पेरेझला चांगल्या सुरुवातीनंतरही अमेरिकेच्याच फाबिआनो कारूआनाविरुद्ध बरोबरीवर समाधान मानावे लागले.