scorecardresearch

Premium

WPL 2023: “WPL फायनलमध्ये आज शफाली वर्मा…”, दिल्ली कॅपिटल्सची कर्णधार मेग लॅनिंगचे सूचक विधान

महिला प्रीमिअर लीगचा आज अंतिम फेरीचा सामना असून दिल्ली कॅपिटल्स आणि मुंबई इंडियन्स यांच्यात रंगणार आहे. शफाली वर्मा संदर्भात कर्णधार मेग लॅनिंगने सूचक विधान केले.

WPL 2023: Expect Shafali Verma to do well in WPL final Delhi captain's Meg Lanning big reaction
सौजन्य- WPL २०२३ (ट्विटर)

महिला प्रीमियर लीग (WPL 2023) चा अंतिम सामना आज मुंबईत दिल्ली कॅपिटल्स आणि मुंबई इंडियन्स यांच्यात होणार आहे. या महामुकाबल्यापूर्वी, दिल्लीची कर्णधार मेग लॅनिंगने पत्रकार परिषदेत अनेक विषयांवर चर्चा केली. तिने तिची सहकारी खेळाडू आणि सलामीवीर शफाली वर्माकडे आशा व्यक्त केली आहे की ती या मोठ्या सामन्यात चांगली कामगिरी करेल आणि दिल्लीला सामना जिंकून देईल. मेग लॅनिंगच्या म्हणण्यानुसार, शफाली दिल्ली संघासाठी एक्स-फॅक्टर आहे आणि तिने आतापर्यंत चांगली खेळी केली आहे.

अंतिम सामन्यापूर्वी आयोजित पत्रकार परिषदेत मेग लॅनिंगने शफाली वर्माबद्दल सांगितले, “शफालीसोबत फलंदाजी करताना खूप मजा आली. तिच्याकडे एक अनोखी शैली आहे जी संघासाठी खूप फायद्याची आहे. ती प्रसंगी मोठे फटके मारते आणि आक्रमक फलंदाजी करून निकाल आमच्या बाजूने बदलते. तिने या स्पर्धेत चांगली कामगिरी पार पाडली आणि आज अंतिम फेरीत देखील ती चांगल्या फॉर्ममध्ये दिसत आहे. आशा आहे की ती खुलेपणाने फलंदाजी करेल आणि सामन्यावर वर्चस्व गाजवेल, ज्यासाठी मी तिला दुसऱ्या बाजूला उभे राहून खेळताना पाहू शकते. भारतीय महिला क्रिकेटचे उज्ज्वल भविष्य असे आपण तिला म्हणू शकतो.” असे म्हणत मेग लॅनिंगने शफालीचे कौतुक केले.

chandrashekhar bawankule
सुप्रीम कोर्टाच्या निर्देशानंतर राजकीय हालचालींना वेग, भाजपाकडून ‘प्लॅन बी’ तयार? बावनकुळे म्हणाले…
canada allegations on india
India-Canada Conflict: कॅनडाचे भारतावर आरोप, अमेरिका व ऑस्ट्रेलियाचा कॅनडाला पाठिंबा; जागतिक स्तरावर भारतविरोधी भूमिका!
abhidnya bhave shared swami samarth experience
नवऱ्याच्या आजारपणात अभिज्ञा भावेला ‘अशी’ आली स्वामींची प्रचिती; अनुभव सांगत म्हणाली, “तेव्हा माझ्या डोळ्यात…”
canada prime minister justin trudeau (1)
कॅनडाच्या पंतप्रधानांचं जी २० परिषदेवेळीच बिनसलं होतं? ‘या’ कृतीमुळे झाली होती भारतीय सुरक्षा यंत्रणेची अडचण!

हेही वाचा: IPL 2023: पंजाब किंग्जला मोठा धक्का, जॉनी बेअरस्टो आयपीएलमधून बाहेर; ‘या’ ऑस्ट्रेलियन खेळाडूचा संघात समावेश

शफाली वर्माने या स्पर्धेत ८ सामन्यात २१४ धावा केल्या आहेत. यादरम्यान त्याचा स्ट्राईक रेट १८२.५८ आहे आणि त्याने २ अर्धशतकांसह ८४ धावांची सर्वोच्च खेळीही खेळली आहे. मुंबई इंडियन्सविरुद्धच्या शेवटच्या सामन्यात वर्माने ३३ धावांची तुफानी इनिंग खेळली होती. महिला प्रीमियर लीगच्या गुणतालिकेत दिल्ली कॅपिटल्सने अव्वल स्थान पटकावले आणि नियमानुसार दिल्ली संघाने थेट अंतिम फेरीत प्रवेश केला, जिथे त्यांचा सामना आता हरमनप्रीतच्या नेतृत्वाखालील मुंबई इंडियन्सशी होणार आहे. साखळी टप्प्यातील सामन्यांमध्ये मुंबई आणि दिल्ली दोनदा आमनेसामने आले आहेत, जिथे दोघांनी १-१ असा विजय मिळवला आहे.

दिल्ली कॅपिटल्सने हळूहळू वेग पकडला आणि मुंबईला पॉइंट टेबलमधील अव्वल स्थानावरून दूर केले. लॅनिंग आणि दक्षिण आफ्रिकेचा अष्टपैलू खेळाडू मारिजन कॅप यांनी आतापर्यंत फलंदाजीत कमालीची कामगिरी केली आहे. असे असूनही अंतिम फेरीत दोन्ही संघांपैकी एकालाही विजयाचा प्रबळ दावेदार मानता येत नाही. दोन्ही संघांची कामगिरी पाहता विजेतेपदाचा सामना रंजक होण्याची अपेक्षा आहे.

हेही वाचा: Haris Rauf Video:  पीएसएल ट्रॉफी घेऊन हरिस रौफ पोहोचला वाघा बॉर्डरवर अन् चाहत्यांकडून झाला ट्रोल, Video व्हायरल

दोन्ही संघांचे संभाव्य प्लेईंग-११

दिल्ली कॅपिटल्स: मेग लॅनिंग (कर्णधार), शफाली वर्मा, एलिस कॅप्सी, जेमिमा रॉड्रिग्ज, मारिजन कॅप, तानिया भाटिया (यष्टीरक्षक), जेस जोनासेन, राधा यादव, अरुंधती रेड्डी, शिखा पांडे, पूनम यादव.

मुंबई इंडियन्स: हीली मॅथ्यूज, यास्तिका भाटिया (यष्टीरक्षक), नताली सिव्हर-ब्रंट, हरमनप्रीत कौर (कर्णधार), अमेलिया केर, पूजा वस्त्राकर, इस्सी वाँग, अमनजोत कौर, हुमैरा काझी, जिंतीमणी कलिता, सायका इशाक.

Latest Comment
View All Comments
Post Comment

मराठीतील सर्व क्रीडा बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

First published on: 26-03-2023 at 14:08 IST

संबंधित बातम्या

गणेश उत्सव २०२३ ×