WPL Auction: कोणी घर घेणार तर कोणी कर्ज फेडणार! छोट्या लेकींची मोठी स्वप्ने होणार साकार, WPLने आयुष्य होणार प्रकाशमान

WPL खेळाडूंचे स्वप्न पूर्ण करेल

WPLने महिला खेळाडूंना असे व्यासपीठ दिले आहे. जिथे ती तिची प्रतिभा जागतिक पटलावर उतरवणार आहे. यासोबतच डब्ल्यूपीएल या खेळाडूंना नवीन जीवन देणार आहे. लिलावात ज्या खेळाडूंवर पैशांचा वर्षाव झाला आहे, त्यात असे काही खेळाडू आहेत ज्यांची आर्थिक स्थिती चांगली नव्हती आणि आता लिलावाने त्यांना नवे व्यासपीठ दिले आहे. या खेळाडूला आता लिलावाच्या पैशातून तिचे स्वप्न पूर्ण करायचे आहे. काहींना स्वत:साठी घर घ्यायचे आहे, तर काहींना या लिलावातून मिळालेल्या पैशातून कर्ज फेडायचे आहे.

उदाहरणार्थ, टीम इंडियाची यष्टिरक्षक फलंदाज रिचा घोषला मोठी किंमत मिळाली आणि रॉयल चॅलेंजर्स बंगळुरूने १.९० कोटी रुपयांना संघात समाविष्ट केले. आता रिचा घोषला या पैशातून तिच्या आई-वडिलांसाठी फ्लॅट घ्यायचा आहे. रिचा घोष म्हणाली, ‘माझ्या आई-वडिलांचे स्वप्न होते की मी भारतासाठी खेळावे. मला माझ्या संघाचे नेतृत्व करायचे आहे आणि भारतासाठी मोठी ट्रॉफी जिंकायची आहे. मला कोलकात्यात फ्लॅट घ्यायचा आहे. माझ्या आई आणि वडिलांनी तिथे स्थायिक व्हावे आणि त्यांच्या आयुष्याचा आनंद घ्यावा अशी माझी इच्छा आहे.

भारतीय संघाची फिरकीपटू राधा यादवलाही यूपी वॉरियर्सने ४० लाखांची किंमत देऊन लिलावात समाविष्ट केले आहे. राधा यादव यांचेही एक घर विकत घेण्याचे स्वप्न आहे जिथे तिचे कुटुंब चांगले राहू शकेल. आता राधा यादव यांचे हे स्वप्न निश्चितच पूर्ण होण्याच्या मार्गावर आहे. त्याचप्रमाणे इतर खेळाडूंचीही स्वतःची इच्छा असते.

अंजली सरवाणीचे वडील रमणराव म्हणतात, “ ही खूप मोठी गोष्ट आहे! आमच्या कुटुंबात, हजारात येणाऱ्या पैशाबद्दल बोलणे देखील खूप मोठी गोष्ट आहे.” आता अडोनीची वेगवान गोलंदाज अंजली सरवाणी यूपी वॉरियर्सला ५५ लाख रुपयांना घेतली गेली. अमनजोत कौरचे वडील भूपिंदर सिंग (तिला मुंबई इंडियन्सने ५० लाख रुपयांमध्ये साइन केले होते) म्हणाले की, “आता त्यांच्या मुलीला स्वत:वर खर्च करण्यापूर्वी दोनदा विचार करण्याची गरज नाही. ही खूप मोठी गोष्ट आहे.

हेही वाचा: Sachin Tendulkar: अरे हिला लिलावात घ्यायला विसरलात! चिमुकल्या लेकीचे शॉट्स पाहून क्रिकेटचा देवही भारावला, पाहा Video

आता, ती क्रिकेटमध्ये तिचे पैसे गुंतवू शकते किंवा जास्त खर्च करत असल्यास विचार न करता तिला पाहिजे ते खरेदी करू शकते. यामुळे तिला आर्थिक ताणातून मुक्ती मिळेल आणि तिला एकट्या क्रिकेटवर लक्ष केंद्रित करण्यास मदत होईल,” अमनजोतचे वडील म्हणाले. फक्त अंजली आणि अमनजोत नाही, तर केरळमधील मिन्नू मणी आणि त्यांच्यासारखे बरेच काही आहेत ज्यांना याचा फायदा त्यांनाच होणार आहे.