अर्जेंटिनात सुरु असलेल्या Youth Olympic स्पर्धेत भारताची महिला कुस्तीपटू सिमरनने 43 किलो फ्रिस्टाईल प्रकारात रौप्यपदकाची कमाई केली आहे. अंतिम फेरीत अमेरिकेच्या एमिली शिल्सनने सिमरनवर 11-6 ने मात करत सुवर्णपदकावर आपलं नाव कोरलं. पहिल्याच सत्रात सिमरनने एमिलीला 9-2 अशी आघाडी घेण्याची संधी दिली, यामुळे अर्धा सामना सिमरनने पहिल्या सत्रातच गमावला होता. मात्र दुसऱ्या सत्रात सिमरनने एमिलीला चांगली लढत देत 4 गुणांची कमाई केली. मात्र एमिलीने सिमरनची झुंज वेळीच मोडून काढत आपल्या विजयावर शिक्कामोर्तब केलं. युथ ऑलिम्पिक स्पर्धेतलं भारताचं स्पर्धेतलं हे पाचवं रौप्यपदक ठरलं. भारताची आणखी एक कुस्तीपटू मानसी मात्र पात्रता फेरीतूनच बाहेर पडली.
