सुंदर माझं घर : कणीसफूल

साहित्य

कणसाची सालं, खराटय़ाच्या (झाडू) काडय़ा, हिरवी क्रेपटेप, अ‍ॅक्रेलिक रंग, रंगकामाचं साहित्य.

कृती

• कणसासोबत असलेली छोटी आणि मोठी पानं वेगळी करा आणि त्यांच्या पट्टय़ा कापा.
• सर्व पट्टय़ांची बाहेरची बाजू उलटी करून टोकाला टोक जोडून घ्या.
• त्याच्या पाकळ्या बनवा, त्या अ‍ॅक्रेलिक रंगांनी रंगवा
• रंग नीट वाळू द्या.
• रंग वाळेपर्यंत झाडूच्या काडीला हिरवी क्रेपटेप गुंडाळून घ्या.
• वाळलेल्या पाकळ्या क्रेपटेपच्या साहाय्याने काडीभोवती गोलाकारात चिकटवा.
• अशा प्रकारे तुमच्या फुलदाणीच्या आकारानुसार आवश्यक असतील तेवढी विविधरंगी आणि विविध आकारांची फुलं तयार करा.
• ही फुलदाणी टीपॉयची शोभा तर वाढवेलच, शिवाय येणाऱ्या प्रत्येक पाहुण्यासाठी कौतुकाचा विषयही ठरेल.

apac64kala@gmail.com