JioMeet, Zoom ला देणार टक्कर, आता एअरटेल आणणार व्हिडिओ कॉन्फरन्सिंग अ‍ॅप

इकॉनॉमिक टाइम्सच्या रिपोर्टनुसार, भारती एअरटेल लवकरच झूम, गुगल हँगआउट्स, माइक्रोसॉफ्ट टीम्स आणि JioMeet ला टक्कर देण्यासाठी एक नवीन व्हिडिओ कॉन्फरन्सिंग टूल लाँच करण्याची शक्यता आहे. सुरूवातीला एअरटेलकडून हे अ‍ॅप छोट्या कंपन्यांसाठी ‘पेड’ स्वरुपात आणलं जाईल. म्हणजेच ते मोफत नसेल. अ‍ॅपला मिळणारा प्रतिसाद बघून कंपनी हे अ‍ॅप सर्व सामान्य ग्राहकांसाठी रोलआउट करेल.

एअरटेलच्या अ‍ॅपमध्ये लेटेस्ट AES 256 इन्क्रिप्शन आणि सिक्युरिटीसाठी अनेक ऑथेंटिकेशन असू शकतात. या अ‍ॅपसाठी उच्चदर्जाच्या सिक्युरिटीवर कंपनी विशेष लक्ष देईल. JioMeet प्रमाणे एअरटेलचं अ‍ॅपही सर्व डिव्हाइस आणि प्लॅटफॉर्मवर उपलब्ध होईल. यात मोबाइल आणि डेस्कटॉपचाही समावेश आहे. पण अद्याप एअरटेलकडून यावर अधिकृत प्रतिक्रिया आलेली नाही.