अभिनेता विकी कौशलने नुकताच एक व्हिडिओ सोशल मीडियावर शेअर केला आहे. यामध्ये विकी कौशल “ब्राझिलियन मार्शल आर्ट आणि  ‘गिंगा कॅपोइरा’ मार्शल आर्टचं प्रशिक्षण घेताना दिसत आहे. हा नृत्य आणि संगीताच्या आधारे शिकला जाणारा मार्शल आर्टचा प्रकार आहे. अभिनेता विकी कौशलने आपल्या ट्रेनरकडून ‘गिंगा कॅपोइरा’ शिकत असताना डान्सचा व्हिडिओ शेअर केला आहे. यावेळी विकी कौशल खास स्टाइलमध्ये डान्स करताना दिसत आहे.

विकी कौशलने इंस्टाग्रामला हा व्हिडिओ शेअर केला असून ‘उठा आणि शिका’ अशी कॅप्शन दिली आहे. तसंच सोबत #Ginga #Capoeira #6am हॅशटॅग दिले आहेत.

दरम्यान विकी कौशलच्या आगामी चित्रपटांबद्दल बोलायचं गेल्यास तो सध्या मेघना गुलजार दिग्दर्शन करत असलेल्या फिल्ड मार्शल सॅम माणेकशा यांच्या आयुष्यावर आधारित “सॅम बहादुर” या चित्रपटात दिसणार आहे. तसंच सुजीत सरकारच्या “सरदार उधम सिंह” या बायोपिकमध्येही विकी कौशल मुख्य भूमिकेत दिसणार आहे. तसंच “मिस्टर लेले” या चित्रपटात विकी कौशलची विनोदी  भूमिका प्रेक्षकांना पहायला मिळणार आहे.