डॉ. रूचित पटेल एखादा पदार्थ आवडत नाही म्हणून न खाणं किंवा एखादा पदार्थ आवडतोय म्हणून अतिप्रमाणात खाणं हे चुकीचं आहे. बऱ्याचदा अनेक जण आवड असलेले पदार्थ जास्त प्रमाणात खातात, मग भूक असो किंवा नसो. पण भूक नसताना खाल्ल्याने ‘अ‍ॅसिडीटी’ म्हणजेच ‘आम्लपित्ता’चा त्रास सतावू शकतो. कारण गरज नसताना खाल्ल्याने अपचन होऊन पित्ताचा त्रास होतो. त्यामुळे कोणताही पदार्थ खाताना तो प्रमाणात खाल्ला पाहिजे, असं तज्ज्ञ डॉक्टर सांगतात. त्यातच अनेकदा अ‍ॅसिडीटी झाल्याचं लोकांच्या लक्षात येत नाही. परंतु, अ‍ॅसिडीटी झाल्यावर त्याची काही लक्षणं जाणवतात. त्यामुळे ही नेमकी लक्षणं कोणती ते जाणून घेऊ. अ‍ॅसिडीटीची प्रमुख लक्षणे १. मळमळणे २. डोके दुखणे, ३. तोंडाची चव कडवट होणे ४.पोटात जळजळ होणे ५. छातीत आग होणे ६.डोळ्यांची जळजळ होणे ७. उलटी होणे ८. वारंवार आंबट कडू पाणी तोंडात येणे ९. अस्वस्थ वाटणे १०.करपट ढेकर येणे ११.चक्कर येणे १२. अंगाला खाज सुटणे (लेखक डॉ. रूचित पटेल हे मुंबईतील वोक्हार्ट रूग्णालयात गॅस्ट्रोएन्टेरोलॉजिस्ट सल्लागार आहेत.)
