खांद्यावरील स्नायू बळकट करण्यासाठी हा व्यायाम केला जातो. हा एक ‘वॉर्म अप’चा प्रकार असून या व्यायामाने ट्रॅपेझिअस मसल्स (मानेच्या पाठीमागील बाजूस खांद्यांमधील स्नायू) मजबूत होतात. उभे राहून किंवा खुर्चीत बसून आणि वजन उचलून वा वजन न उचलता हा व्यायाम करता येतो. जर खांदादुखी आणि मानदुखीची समस्या नसेल तर हा व्यायाम करताना वजनाचा वापर करा. दोन्ही हातात पाण्याच्या बाटल्या घ्या. हात समोर काटकोनात करून खांदे वर उचला. दोन ते तीन सेकंद खांदे वर उचलून धरा. त्यानंतर हळूहळू खांदे खाली करा. (छायाचित्र १ आणि २ पाहा) दोन्ही हातात पाण्याच्या बाटल्या घ्या. हात शरीरापासून काही अंतरावर घ्या. हात सरळ न घेता किंचितसे वाकवा. त्यानंतर खांदे वर उचलून खाली घ्या. असे सतत १२ वेळा करा. पहिल्या प्रकारापेक्षा या प्रकाराने खांद्यांचे स्नायून अधिक मजबूत होतात. (छायाचित्र ३ आणि ४ पाहा) - डॉ. अभिजीत जोशी - dr.abhijit@gmail.com
