News Flash

Moto G 5G : भारतातील सर्वात स्वस्त 5G स्मार्टफोन झाला लाँच, किंमत OnePlus Nord पेक्षाही कमी

भारतातील आतापर्यंतचा सर्वात स्वस्त 5जी स्मार्टफोन

(Moto-G-5G)

एखाद्या स्वस्त 5-जी फोनच्या शोधात असाल तर मोटोरोलाने तुमची इच्छा पूर्ण केली आहे. मोटोरोलाने Moto G 5G हा स्मार्टफोन अखेर भारतात केला असून हा भारतातील आतापर्यंतचा सर्वात स्वस्त 5जी स्मार्टफोन ठरलाय. आतापर्यंत OnePlus Nord हा देशातील सर्वात स्वस्त 5जी फोन म्हणून ओळखला जात होता. Moto G 5G हा स्मार्टफोन यापूर्वी युरोपमध्ये लाँच करण्यात आला होता. तिथे या फोनची किंमत जवळपास 26,300 रुपये आहे, पण भारतातील फोनची किंमत यापेक्षाही कमी आहे.


Moto G 5G किंमत :-
केवळ फ्लिपकार्ट या ई-कॉमर्स वेबसाइटवरुनच या फोनची विक्री होईल. मोटोरोलाने या स्वस्त 5जी स्मार्टफोनची भारतातील किंमत 20,999 रुपये ठेवली आहे. एचडीएफसी बँकेच्या कार्डद्वारे फोन खरेदी करणाऱ्यांना 1,000 रुपयांची सवलतही मिळेल. Moto G 5G ची विक्री सात डिसेंबरपासून केवळ फ्लिपकार्टद्वारे होईल. हा फोन व्हॉल्केनिक ग्रे आणि फ्रोस्टेड सिल्वर अशा दोन कलर व्हेरिअंटमध्ये खरेदी करता येईल.

आणखी वाचा- 5000mAh बॅटरीचा शाओमीचा ‘स्वस्त’ स्मार्टफोन झाला महाग, जाणून घ्या नवी किंमत

Moto G 5G स्पेसिफिकेशन्स :-
Moto G 5G मध्ये 6.7 इंचाचा फुल एचडी प्लस (1080×2400 पिक्सल) LTPS डिस्प्ले आहे. फोनमध्ये क्वॉलकॉम स्नॅपड्रॅगन 750G प्रोसेसर असून अँड्रॉइड 10 चा सपोर्ट देण्यात आला आहे. 6 जीबी रॅम असलेल्या या फोनमध्ये 128 जीबी इनबिल्ट स्टोरेज असून माइक्रोएसडी कार्डद्वारे स्टोरेज 1 टीबीपर्यंत वाढवता येणं शक्य आहे. या फोनमध्ये ट्रिपल रिअर कॅमेरा सेटअप देण्यात आला आहे. यातील मुख्य कॅमेरा 48 मेगापिक्सेलचा आहे, तर 8 मेगापिक्सेलचा वाइड अँगल आणि तीसरा 2 मेगापिक्सेलचा मॅक्रो सेन्सर आहे. सेल्फी आणि व्हिडिओसाठी या फोनमध्ये 16 मेगापिक्सेलचा फ्रंट कॅमेराही देण्यात आला आहे.

आणखी वाचा- Flipkart Black Friday Sale चा अखेरचा दिवस, स्मार्टफोन्सवर 33 हजारापर्यंत डिस्काउंट

Moto G 5G ची बॅटरी :-
मोटोरोलाच्या या फोनमध्ये 5000mAh क्षमतेची बॅटरी आहे, ही बॅटरी 20W च्या टर्बो पॉवर फास्ट चार्जिंगला सपोर्ट करते. फोनसोबत कनेक्टिव्हिटीसाठी 5G, NFC, ब्लूटूथ 5.1, वाय-फाय 802.11ac, 3.5mm हेडफोन जॅक, युएसबी टाइप-सी पोर्ट आणि जीपीएससोबत बॅक पॅनलवर फिंगरप्रिंट सेन्सर मिळेल. वॉटर रेसिस्टंटसाठी फोनला IP52 रेटिंग मिळाली असून गुगल असिस्टंटसाठी फोनमध्ये वेगळं बटणही दिलं आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on November 30, 2020 3:01 pm

Web Title: moto g 5g indias most affordable 5g phone launched check price and specifications sas 89
Next Stories
1 5000mAh बॅटरीचा शाओमीचा ‘स्वस्त’ स्मार्टफोन झाला महाग, जाणून घ्या नवी किंमत
2 Airtel फ्रीमध्ये देतंय 5GB डेटा, फक्त डाउनलोड करावं लागेल ‘हे’ App !
3 Flipkart Black Friday Sale चा अखेरचा दिवस, स्मार्टफोन्सवर 33 हजारापर्यंत डिस्काउंट
Just Now!
X