04 July 2020

News Flash

Xiaomi ची आता लॅपटॉप सेगमेंटमध्ये एंट्री, 11 जूनला लाँच होणार Mi Notebook

'शाओमी'चा हा लॅपटॉप म्हणजे 'मेड फॉर इंडिया' असल्याचं कंपनीने म्हटलंय...

चीनची शाओमी कंपनी आता भारतात लॅपटॉप सेगमेंटमध्ये एंट्रीच्या तयारीत आहे. Xiaomi भारतात 11 जून रोजी Mi Notebook लाँच करणार आहे. शाओमी इंडियाचे प्रमुख मनु कुमार जैन यांनी याबाबत माहिती दिली.

11 जून रोजी दुपारी 12 वाजता Mi Notebook साठी लाँच इव्हेंटचं आयोजन करण्यात आलं आहे. लाँच इव्हेंट शाओमीच्या सोशल मीडिया प्लॅटफॉर्म आणि Mi.com वर लाइव्ह बघता येईल. Mi Notebook ची भारतात HP, Dell आणि Lenovo यांसारख्या कंपन्यांशी स्पर्धा असेल. या लॅपटॉपसोबत शाओमी भारतात पहिल्यांदा लॅपटॉप सेगमेंटमध्ये पाऊल ठेवत आहे, पण कंपनीने ‘मी’ आणि ‘रेडमी’ ब्रँडअंतर्गत चीनमध्ये अनेक लॅपटॉप लाँच केले आहेत. यामध्ये Mi Gaming Laptop, Mi Notebook Air, आणि Mi Notebook Pro 15 यांचा समावेश आहे.

भारतीय ग्राहकांचा विचार करुन Mi Notebook ची निर्मिती करण्यात आल्याचं कंपनीकडून सांगण्यात आलं आहे. हा लॅपटॉप म्हणजे ‘मेड फॉर इंडिया’ असल्याचं मनु कुमार जैन यांनी ट्विटमध्ये म्हटलंय. यासोबत जैन यांनी एक टीझर पोस्टरही शेअर केलं आहे. या पोस्टरनुसार हा लॅपटॉप अत्यंत स्लिम असेल हे स्पष्ट होतंय. पण, यामध्ये कोणते स्पेसिफिकेशन्स आहेत याबाबत अद्याप कोणतीही माहिती देण्यात आलेली नाही. मात्र, येत्या काही दिवसांमध्ये कंपनी टीझरद्वारे लॅपटॉपच्या स्पेसिफिकेशन्सची माहिती देऊ शकते.

यापूर्वी, शाओमी RedmiBook सीरिज भारतात लाँच करेल अशी चर्चा होती. पण जैन यांच्या ट्विटमध्ये केवळ Mi Notebook मॉडेलच्या लाँचिंगबाबतच माहिती आहे. चीनमध्ये शाओमीने रेडमीबुक लाइनअपमध्ये RedmiBook 13, RedmiBook 14, आणि RedmiBook 16 यांसारखे मॉडेल्सही लाँच केले आहेत.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on June 2, 2020 4:49 pm

Web Title: xiaomi mi notebook india launch on june 11 get all details sas 89
Next Stories
1 मुंंबईजवळ घोंगावणाऱ्या वादळाला ‘निसर्ग’ नाव दिलं कोणी?
2 पाच जून रोजी वर्षातलं दुसरं चंद्रग्रहण, एका क्लिकवर सगळी माहिती
3 चीन अ‍ॅप काढून टाकण्यासाठी ‘रिमुव्ह चायना अ‍ॅप’ला पसंती; १५ दिवसात १० लाख युझर्सनं केलं डाऊनलोड
Just Now!
X