Clean Tea Strainer: स्वयंपाकघरात दररोज पीठ चाळण्याची चाळण आणि चहा गाळण्याची गाळणी वापरली जाते. रोज सातत्याने या वस्तू वापरल्या जातात. त्यामुळे पिठाची चाळण आणि चहाची गाळणी काळपट दिसू लागते. त्यावर घाणदेखील जमा होते, जी साफ करणे खूप कंटाळवाणे आणि कठीण काम असते. त्यातही अनेक जण या वस्तू नियमित डिटर्जंटने स्वच्छ करतात; परंतु त्या पूर्णपणे साफ होत नाहीत.
पिठाची चाळण व चहाची गाळणी कशी स्वच्छ करावी?
उकळवा आणि स्वच्छ करा
तुम्ही तुमची गाळणी उकळवून ती सहजपणे स्वच्छ करू शकता. एका पॅनमध्ये पाणी भरा आणि गाळणी त्यात ठेवा. पाणी ५-७ मिनिटे उकळू द्या. त्यामुळे चाळणी आणि गाळणीवरील झालेली घाण मऊ होईल. त्यानंतर ती ब्रश किंवा जुन्या टूथब्रशच्या मदतीने स्वच्छ करा.
अॅल्युमिनियम फॉइल वापरा
तुम्ही चाळण वा गाळणी साफ करण्यासाठी अॅल्युमिनियम फॉइलदेखील वापरू शकता. ते साफ करण्यासाठी, एका भांड्यात पाणी भरा आणि त्यात अॅल्युमिनियम फॉइलचा तुकडा टाका. आता गाळणी पाण्यात ठेवा आणि काही मिनिटे ते पाणी उकळवा. नंतर हळुवारपणे चाळण वा गाळणी स्वच्छ करा.
डिटर्जंट वापरा
तुम्ही लिंबाचा रस आणि डिटर्जंट वापरूनही तुमची चाळण वा गाळणी स्वच्छ करू शकता. एका पॅनमध्ये कोमट पाणी भरा. त्यात लिंबाचा रस आणि डिटर्जंट पावडर घाला. नंतर त्यात गाळणी वा चाळण टाका आणि ती पूर्णपणे स्वच्छ करा. त्यामुळे गाळणी वा चाळण पूर्णपणे स्वच्छ होईल आणि चिकटलेली घाण निघून जाईल.
