तरुणांमध्ये झपाट्याने वाढतोय ‘हा’ कॅन्सर! सुरुवातीलाच दिसतात लक्षणे; दुर्लक्ष न करता खा ‘ही’ ४ फळे, होईल मोठा परिणाम

अमेरिकन कॅन्सर सोसायटीच्या अहवालानुसार, या आजाराच्या प्रत्येक पाच रुग्णांपैकी एक रुग्ण ५५ वर्षांखालील असतोच. संशोधनानुसार या कॅन्सरमागे अनुवांशिक कारणे, पर्यावरणीय घटक आणि बिघडलेली जीवनशैली हे मुख्य कारण असतात.

कोलन कॅन्सर साधारणपणे मोठ्या आतड्याच्या आतल्या भिंतीपासून सुरू होतो आणि हळूहळू शरीरात पसरतो. याचे सुरुवातीचे लक्षण म्हणजे पोटदुखी, वारंवार बद्धकोष्ठता किंवा जुलाब होणे, वजन अचानक कमी होणे आणि मलात रक्त येणे. वेळेवर तपासणी व उपचार केल्यास हा आजार टाळता येतो. या आजारापासून बचाव करण्यासाठी संतुलित आहार घेणे, शरीर सक्रिय ठेवणे आणि नियमित आरोग्य तपासणी करणे खूप गरजेचे आहे.

कोलोरेक्टल कॅन्सर, ज्याला कोलन कॅन्सर असेही म्हणतात, हा एक प्रकारचा कॅन्सर आहे जो कोलन किंवा गुदाशयाच्या ऊतींमध्ये होतो. हा जगभरातील सर्वात सामान्य कॅन्सर प्रकारांपैकी एक आहे. अमेरिकन कॅन्सर सोसायटीनुसार, कोलन कॅन्सर दरवर्षी १,००,००० पेक्षा जास्त अमेरिकन लोकांना होतो. चला तर मग जाणून घेऊया हा कॅन्सर तरुणांमध्ये लवकर कसा पसरत आहे आणि त्यापासून बचाव करण्याचे कोणते उपाय आहेत.

कोलन कॅन्सर तरुणांमध्ये झपाट्याने का पसरत आहे?

तरुणांमध्ये वाढणारा लठ्ठपणा हे कोलन कॅन्सरचे मोठे कारण आहे. अनेक संशोधनांत हे सिद्ध झाले आहे की तरुणांमध्ये दारू पिण्याची सवयही मृत्यूदर वाढवणारे मोठे कारण ठरते. या कॅन्सरपासून बचाव करण्यासाठी आहार आणि जीवनशैलीत बदल करणे व ताण नियंत्रणात ठेवणे गरजेचे आहे.

अमेरिकेतील गॅस्ट्रोएन्टेरोलॉजिस्ट डॉ. जोसेफ सलहब यांनी अलीकडेच कोलन कॅन्सरपासून बचावासाठी पोषणयुक्त फळे खाण्याचा सल्ला दिला आहे. वर्ल्ड जर्नल ऑफ गॅस्ट्रोएन्टेरोलॉजीृ मध्ये २०२३ साली छापलेल्या एका अभ्यासानुसार, काही फळे कोलन कॅन्सरचा धोका कमी करण्यात प्रभावी ठरली आहेत. चला तर मग पाहूया या कॅन्सरपासून बचावासाठी कोणती चार फळे उपयुक्त ठरतात.

कोलन कॅन्सर कंट्रोल करणारी फळे

टरबूज

टरबूज खाल्ल्याने शरीर हायड्रेट राहते आणि निरोगीही राहते. चवीला छान असलेल्या या फळाचे नियमित सेवन केल्याने कोलन कॅन्सरचा धोका २६% पर्यंत कमी होऊ शकतो. गॅस्ट्रोएन्टेरोलॉजिस्ट यांच्या मते, या फळामध्ये लाइकोपीन मुबलक प्रमाणात असते, जे एक शक्तिशाली अँटिऑक्सिडंट आहे आणि पेशींचे नुकसान होण्यापासून संरक्षण करते. तज्ज्ञांच्या मते, टरबूज शरीराला हायड्रेट ठेवते आणि पचन सुधारते. त्याचे नियमित सेवन केल्याने मलविसर्जन सोपे होते. टरबूज खाण्याची उत्तम वेळ सकाळी किंवा दुपारच्या नाश्त्यानंतर असते. टरबूज भूक नियंत्रित करते आणि शरीराला हायड्रेट ठेवते.

सफरचंद

दररोज सफरचंद खाल्ल्याने आजारांपासून बचाव होतो. सफरचंदातील फायबर पचनासाठी चांगले असते; परंतु ते जास्त प्रमाणात खाल्ल्यास कोलन कॅन्सरचा धोका २५% पर्यंत कमी होऊ शकतो. त्यात असलेले पॉलीफेनॉल्स अँटिऑक्सिडंट्स आणि सूज कमी करणारे गुणधर्म उपयुक्त असतात. सफरचंद नाश्त्यानंतर किंवा दुपारच्या जेवणानंतर खाल्ल्यास शरीराला फायदा होतो.

किवी

व्हिटॅमिन C ने भरपूर असलेले कीवी खाल्ल्याने आजारांपासून बचाव होतो. हे फळ रोज खाल्ल्यास कोलन कॅन्सरचा धोका १३% पर्यंत कमी होतो. हे फायबरचे उत्तम स्रोत आहे, जे पचनास मदत करते. कीवीमध्ये भरपूर व्हिटॅमिन C असते, जे रोगप्रतिकारक शक्ती वाढवते आणि हृदयाच्या आजारांपासून बचाव करते. हे फळ त्वचेसाठीही फायदेशीर आहे. ते नाश्त्यासोबत खाऊ शकता.

सिट्रस (लिंबूवर्गीय) फळांचे सेवन

संत्री, ग्रेपफ्रूट, लिंबू आणि लाइम यांसारखी सिट्रस फळे खाल्ल्याने कोलन कॅन्सरचा धोका ९% पर्यंत कमी होऊ शकतो. ही फळे व्हिटॅमिन C ने भरलेली असतात, जी अँटिऑक्सिडंटसारखी काम करून फ्री रॅडिकल्स निष्क्रिय करतात आणि DNA चे नुकसान होण्यापासून वाचवतात. ही फळे सकाळी किंवा दुपारी खाऊ शकता. यांचा रस काढूनही पिऊ शकता. या फळांमध्ये फ्लॅवोनॉइड्स असतात जे सूज कमी करतात आणि कॅन्सरपासून बचाव करण्यास मदत करतात.