पावसाळ्यात पायांना चिखल्यांचा त्रास होतात का? बुरशी संसर्ग टाळण्यासाठी काय करावे? वाचा सोप्या टिप्स

Monsoon Foot Care : पावसाळा ऋतूत पाय पाण्याच्या जास्त संपर्कात असल्याने बुरशीजन्य संसर्गाचा धोकाही वाढतो.

How to protect feet from infection during the monsoon

पावसाळ्यात पायांना संसर्गापासून कसे वाचवायचे (सौजन्य - फ्रिपीक)

पावसाळा अनेकांना आवडतो. कोणाला धोधो कोसळणाऱ्या पावसात भिजायला आवडते किंवा कोणाला खिडकी बसून कोसळणारा पाऊस पाहायला आवडतो. कोरडे राहण्याचा कितीही प्रयत्न केला तरी मुसळधार पावसासमोर आपले काहीही चालत नाही. अनेकदा पाणी साचलेल्या रस्त्यातून नागरिकांना ये-जा करावी लागते किंवा वाहतूक कोंडीमुळे रस्ते ठप्प होतात, अशावेळी लोक बराच वेळ पावसात भिजतात. थोड्याशा पावसात भिजल्याने फारसा त्रास होत नसला तरी बराच वेळ ओल्या स्थितीत राहिल्याने आरोग्यास धोका निर्माण होऊ शकतो. त्यामुळे पावसाळ्यात अनेक प्रकारच्या आरोग्य समस्या वाढतात. पावसाळा ऋतूत पाय पाण्याच्या जास्त संपर्कात असल्याने बुरशीजन्य संसर्गाचा धोकाही वाढतो. बुरशीजन्य संसर्गामुळे खाज सुटणे आणि आग होते. यामुळे लोकांना अनेक समस्यांना तोंड द्यावे लागते. जर त्यावर वेळीच उपचार केले नाहीत तर त्याचा प्रसार होण्याचा धोकाही वाढतो. येथे येथे काही टिप्से सांगणार आहोत ज्यांच्या मदतीने तुम्ही बुरशीजन्य संसर्गापासून मुक्त होऊ शकता.

पावसाळ्यात पायांना संसर्गापासून कसे वाचवायचे

मोहरीचे तेल

बॅक्टेरियाच्या वाढीस प्रतिबंध करणारा पदार्थ गुणधर्मांनी समृद्ध असलेले मोहरीचे तेल हे पावसाळ्यात पायांना होणारा बुरशीजन्य संसर्ग रोखण्यासाठी उपयुक्त ठरते. यासाठी रात्री झोपण्यापूर्वी पाय चांगले धुवा आणि कोरडे करा. नंतर हलके कोमट मोहरीचे तेल घ्या आणि पायांना हे तेल लावून चांगली मालिश करा. पायांना आराम देखील मिळेल आणि रा बुरशीजन्य संसर्ग देखील टाळता येईल. पायांना मालीश केल्याने तुम्हाला शांत झोप देखील लागेल.

हेही वाचा

केळी आणि सफरचंद सालीसकट खाल्लं तर काय होईल? साली फेकण्याआधी हे वाचा

कोमट पाणी आणि मीठ

पावसाळ्यात मीठ टाकलेल्या कोमट पाण्यात पाय भिजवल्याने बुरशीजन्य संसर्गाचा धोका कमी होतो. हे पाय खोलवर स्वच्छ करते आणि संसर्ग निर्माण करणारे जंतू देखील काढून टाकते. मिठाच्या पाण्यात पाय शेकल्याने पायांच्या वेदना कमी होतात, स्नायू शिथिल होतात आणि रक्ताभिसरण सुधारते.

This quiz is AI-generated and for edutainment purposes only.

हेही वाचा

Lemon Water Side Effects: लिंबू पाणी प्यायल्यानंतर तुम्हालाही हा त्रास होतो का? मग आजपासून ते टाळा; तज्ज्ञांनी सांगितले फायदे-तोटे

हेही वाचा

चाळिशीनंतर रात्रीचे जेवण टाळावे का? दिवसातून एकदा जेवणे अन् रात्रीचा उपवास करण्याबाबत तज्ज्ञ काय सांगतात…..

पाय कोरडे ठेवा

पावसाळ्यात बुरशीजन्य संसर्ग होण्याचे सर्वात मोठे कारण म्हणजे पाय सतत पाण्याच्या संपर्कात राहणे. पावसाच्या पाण्यामुळे किंवा आर्द्रतेमुळे बोटांमध्ये सतत ओलेपणा राहिल्याने संसर्ग होतो. म्हणून तुमचे पाय कोरडे ठेवण्याचा प्रयत्न करा. त्यासाठी पावसाळी चप्पल वापरा ज्यात पाणी जास्त काळ राहात नाही किंवा गम बुट वापरा.

Web Title: Do your feet get irritated during the monsoon what to do to prevent fungal infections read simple tips snk