Drinking Water In Copper Bottle Is Beneficial For Helath : तांबे धातू स्वतः एक नैसर्गिक जंतुनाशक आहे. त्यामुळे तांब्याच्या भांड्यात शिजवलेले अन्न असो किंवा त्यातले पाणी पिण्याचे सुद्धा अनेक फायदे आहेत. त्यामुळे अनेक वर्षांपासून तांब्याची भांडी वापरली जात आहेत. तांब्यांच्या भांडयात साठवलेल्या पाण्याने रोगप्रतिकारक शक्ती सुधारते आणि पचनसंस्था देखील मजबूत करते. तांब्याच्या भांड्यात साठवलेले पाणी हृदय, मूत्रपिंड आणि डोळ्यांसाठी सर्वोत्तम आहे. तर आज आपण या बातमीतून तांब्याच्या भांड्यात पाणी पिल्याने शरीराला कोणते आरोग्यदायी फायदे मिळतात याबद्दल जाणून घेणार आहोत…
तांब्याच्या भांड्यात हळदीचे पाणी पिण्याचे फायदे पुढीलप्रमाणे…
१. पचन सुधारते – तांब्याच्या भांड्यात साठवलेले पाणी पिल्याने पचन सुधारते, पोटाच्या समस्यांपासून आराम मिळतो. खरं तर, तांबे पाचक एंजाइम्सचे उत्पादन उत्तेजित करण्यास मदत करते आणि पोटफुगी, गॅस सारख्या समस्या टाळते.
२. रोगप्रतिकारक शक्ती मजबूत होते – तांबे हे एक खनिज आहे जे शरीराची रोगप्रतिकारक शक्ती वाढविण्यास मदत करते. तांब्याचे दाहक-विरोधी, बॅक्टेरियाच्या वाढीस प्रतिबंध करणारे पदार्थ असतात आणि अँटीव्हायरल गुणधर्म रोगप्रतिकारक शक्ती मजबूत करू शकतात.
३. त्वचेसाठी फायदेशीर – तांब्याच्या भांड्यात पाणी पिल्याने त्वचेचा रंग सुधारतो, चेहऱ्यावरील सुरकुत्या कमी होतात. तसेच मुक्त रॅडिकल्समुळे होणारे नुकसान टाळण्यास आणि निरोगी त्वचेला प्रोत्साहन देण्यास मदत होऊ शकते.
४. संसर्गापासून संरक्षण – तांब्यामध्ये बॅक्टेरियाच्या वाढीस प्रतिबंध करणारे गुणधर्म असतात जे संसर्ग रोखण्यास मदत करतात. तसेच, तांब्याच्या भांड्यात पाणी पिल्याने सांधेदुखीपासून आराम मिळतो.
आपण दिवसभर तांब्याच्या भांड्यातील पाणी पिऊ शकतो का?
तांब्याच्या बाटलीत साठवलेले पाणी पिणे फायदेशीर आहे. पण नेहमीच नाही. कारण त्यामुळे शरीरात जास्त तांबे साठू शकते, जे शरीराला हानी पोहोचवू शकते. इतकेच नाही तर या बाटलीत दररोज पाणी भरून ठेवल्याने गंज देखील येऊ शकतो, ज्यामुळे समस्या आणखी वाढू शकते.
तांब्याच्या भांड्यातील पाणी पिण्याची योग्य पद्धत कोणती?
तांब्याचे भांडे स्वच्छ ठेवणे महत्वाचे आहे. तांब्याच्या भांड्यात जास्त वेळ पाणी ठेवू नये. तांब्याच्या भांड्यात पाणी सकाळी रिकाम्या पोटी प्यावे. १५-२० दिवस सतत तांब्याच्या भांड्यात पाणी पिल्यानंतर, दोन किंवा तीन दिवसांचा ब्रेक घ्या.
