हिवाळ्यात मानेचा आणि कोपरांचा काळेपणा दूर करण्यासाठी करा ‘हे’ घरगुती उपाय

जर तुम्हीही मान आणि कोपर काळे होण्याच्या समस्येने त्रस्त असाल तर यापासून सुटका मिळवण्यासाठी हे घरगुती उपाय प्रभावी ठरू शकतात. मानेची आणि कोपरांची काळी त्वचा या उपायांनी साफ करता येते.

बटाटा आणि गुलाबपाणी

हा पॅक बनवण्यासाठी दोन चमचे तांदळाचे पीठ दोन चमचे बटाट्याच्या रसात मिसळा. नंतर या पेस्टमध्ये एक चमचा गुलाबजल टाका. आता ही पेस्ट मानेवर आणि कोपरांवर लावा. सुमारे २० मिनिटे कोरडे झाल्यानंतर, साध्या पाण्याने मान धुवा. बटाट्यामध्ये असलेले नैसर्गिक ब्लीचिंग गुणधर्म मान आणि कोपरांचा काळेपणा दूर करण्यास मदत करतात.

बदाम

मानेवर आणि कोपरांवरील काळेपणा दूर करण्यासाठी ५ ते ८ बदाम बारीक करा. नंतर त्यात एक चमचा दूध आणि मध टाकून पेस्ट तयार करा. नंतर ही पेस्ट मानेवर आणि कोपरांवर लावा. आता ही पेस्ट काही वेळ अशीच राहू द्या, नंतर साध्या पाण्याने त्वचा स्वच्छ करा. हा उपाय नियमितपणे केल्याने तुम्हाला काही दिवसातच फायदे दिसू लागतील.

कच्ची पपई, गुलाबपाणी आणि दही

ही पेस्ट बनवण्यासाठी कच्च्या पपईचे काही तुकडे बारीक करून घ्या. नंतर त्यात गुलाबजल आणि दही टाका. नंतर ही पेस्ट मानेवर आणि कोपरांवर लावा. १५ मिनिटे सुकल्यानंतर ही पेस्ट चोळून स्वच्छ धुवा.