Ghamole Remedies: सध्याच्या या उन्हाळी, पावसाळी हंगामात घामोळे येणे, पुरळ येणे किंवा जळजळ होणे आणि त्वचेशी संबंधित समस्या अगदी सामान्य होतात. तीव्र सूर्यप्रकाश वाढणारी उष्णता आणि घाम येणे तसंच मध्येच पाऊस पडणे यामुळे त्वचेवर पुरळ उठणे, खाज सुटणे, जळजळ होणे आणि लालसरपणा यासारख्या समस्या येणे स्वाभाविक आहे. अशा परिस्थितीत, जर आंघोळीच्या पाण्यात काही खास नैसर्गिक गोष्टी टाकल्या तर ते त्वचेला थंड आणि आराम देतेच, शिवाय त्वचेच्या अनेक समस्यांपासूनही वाचवते. आंघोळीच्या पाण्यात घालून तुम्ही तुमची त्वचा निरोगी आणि सुंदर बनवू शकता अशा दोन गोष्टींबद्दल जाणून घेऊया.
लिंबाचा रस
लिंबू हे नैसर्गिक अँटीसेप्टिक आणि अँटीबॅक्टेरियल गुणधर्मांनी समृद्ध असलेले फळ आहे. जर तुम्ही आंघोळीच्या पाण्यात लिंबाच्या रसाचे २-३ थेंब टाकले तर ते तुमच्या त्वचेचे छिद्र साफ करते आणि घामाचा वास देखील कमी करते. लिंबूमध्ये व्हिटॅमिन सी भरपूर प्रमाणात असते, ज्यामुळे त्वचा ताजी आणि चमकदार होते. याशिवाय, लिंबाचा रस त्वचेवरील तेल नियंत्रित करतो आणि मुरुमे किंवा डाग कमी करण्यास मदत करतो. लक्षात ठेवा की लिंबाचा रस थेट त्वचेवर लावू नका, तर तो आंघोळीच्या पाण्यात मिसळा जेणेकरून त्वचेवर जळजळ होणार नाही.
कापूर
आंघोळीच्या पाण्यात कापूर वापरल्याने त्वचा थंड होते. कापूरमध्ये अँटीसेप्टिक आणि थंडावा देणारे गुणधर्म असतात, ज्यामुळे खाज सुटणे, जळजळ होणे आणि उष्णतेच्या पुरळ यासारख्या समस्या दूर होतात. आंघोळीच्या पाण्यात कापूर टाकल्याने त्वचेवर साचलेली धूळ आणि घाम पूर्णपणे स्वच्छ होतो. ते त्वचेला थंडावा देते आणि उष्णतेमुळे होणाऱ्या जळजळीपासून आराम देते. याशिवाय, आंघोळीच्या पाण्यात कापूर वापरल्याने दुर्गंधी दूर होते आणि त्वचा ताजी राहते.
कसा कराल वापर?
सुमारे अर्धा लिटर आंघोळीचे पाणी घ्या आणि त्यात २-३ थेंब लिंबाचा रस आणि ३-४ ग्रॅम कापूर मिसळा. या पाण्याने शरीर धुवा किंवा आंघोळ करा. दररोज हा उपाय केल्याने तुमची त्वचा मऊ, स्वच्छ आणि निरोगी राहील. यामुळे उष्णतेमुळे होणाऱ्या त्वचेच्या समस्या जसे की घामोळे, पुरळ, खाज सुटणे, जळजळ आणि लालसरपणा बऱ्याच प्रमाणात कमी होईल. लिंबू आणि कापूरचे हे मिश्रण वापरल्याने त्वचेच्या समस्यांमध्ये आराम मिळतोच, शिवाय स्किन पिगमिंटेशन कमी होतात आणि त्वचेला नैसर्गिक चमक मिळते. या घरात सहज उपलब्ध असलेल्या गोष्टी आहेत, ज्या कोणत्याही दुष्परिणामांशिवाय वापरता येतात. जर तुमची त्वचा संवेदनशील असेल तर प्रथम ते लहान भागावर वापरून पाहा.
