UPI पेमेंट करण्यासाठी वापरलं जाणारं Google Pay हे अ‍ॅप आता अधिक सुरक्षित झालंय. या अ‍ॅपमध्ये कंपनीने आता बायोमेट्रिक ऑथेंटिकेशन फीचर दिलं असून याद्वारे आता कोणतेही डिजिटल व्यवहार करताना ग्राहक बायोमॅट्रिक सुरक्षा पद्धतीचा वापर करु शकणार आहेत. म्हणजेच, तुम्हाला आता चेहरा दाखवून पैसे ट्रान्सफर करता येणार आहेत.
आणखी वाचा- Motorola ने लाँच केला 75 इंचाचा 4K UHD स्मार्ट टीव्ही, जाणून घ्या किंमत आणि फीचर्स
आतापर्यंत गुगल पेच्या माध्यमातून कोणताही व्यवहार करताना युजर्सना चार अंकी पिन टाकावा लागत होता. पण, आता नव्या फीचरमुळे युजर्सकडे फिंगरप्रिंट आणि फेस ऑथेंटिकेशनचे पर्याय उपलब्ध झालेत. हे नवं फीचर PIN पेक्षा अधिक जलदगतीने काम करेल. युजरला हा नवा पर्याय अॅपमधील Sending Money या श्रेणीच्या खाली सापडेल. बायोमॅट्रिक सिक्युरिटी फीचर केवळ पैसे ट्रान्सफर करण्यासाठीच देण्यात आलं आहे. अँड्रॉइड १० चा सपोर्ट असलेल्या स्मार्टफोनमध्येच सध्या हे फीचर कार्यान्वित आहे., पण लवकरच अँड्रॉइड ९ साठीही या फीचरचं अपडेट दिलं जाणार असल्याचं सांगितलं जात आहे. हे नवं फीचर गुगल पेच्या 2.100 व्हर्जनसोबत रोल आऊट करण्यात आलं आहे.
