पनीर, टोफू की टेम्पेह? तिन्हीमध्ये आरोग्यासाठी सर्वाधिक फायदेशीर काय? जाणून घ्या तज्ज्ञ काय सांगतात…

टोफू विरुद्ध पनीर

टोफू हे सोयाबीनपासून बनवले जाते. पनीर आणि टोफू हे दोन्हीही आरोग्यदायी फायद्यांसाठी ओळखले जातात. परंतु, कदम यांनी सांगितले की, पनीरच्या तुलनेत टोफूमध्ये जास्त पौष्टिक फायदे आहेत. त्यात केवळ प्रथिनेच जास्त नसतात; तर शरीराच्या वाढ आणि विकासासाठी आवश्यक असलेले सर्व नऊ आवश्यक अमिनो आम्ले असतात. “१०० ग्रॅम टोफूमध्ये सुमारे ८ ग्रॅम आणि ६५-७० ग्रॅम कॅलरीज असतात. तर पनीरमध्ये २६० कॅलरीज असतात.”

टेम्पेह विरुद्ध टोफू

कदम यांनी सांगितले की, पोषक घटक आणि प्रथिनांच्या बाबतीत विशेषतः टोफू आणि पनीरच्या तुलनेत टेम्पेह सर्वांत फायदेशीर आहे. प्रथिनांच्या प्रमाणाच्या बाबतीत टेम्पेहमध्ये प्रति १०० ग्रॅम अंदाजे १९ ग्रॅम प्रथिने असतात. त्यानंतर पनीरमध्ये १८ ग्रॅम व टोफूमध्ये अंदाजे १० ग्रॅम प्रथिने असतात,”

त्यांच्या मते, टेम्पेहमध्ये प्रथिनांचे प्रमाण जास्त असते. कारण- ते संपूर्णपणे आंबलेल्या सोयाबीनपासून बनवले जाते, ज्याचे अतिरिक्त आरोग्यदायी फायदे आहेत. कारण- त्यामुळे प्रो-बायोटिक्स पचन आणि आतड्यांचे आरोग्य सुधारते. त्याशिवाय टेम्पेह हे टोफू आणि पनीरपेक्षा वेगळे असून, ते आहारातील फायबरचा स्रोत आहे आणि ते संपूर्ण प्रथिने म्हणूनदेखील चांगले आहे. म्हणजे त्यात सर्व आवश्यक अमिनो आम्ले असतात.

सर्वांत आरोग्यदायी प्रथिने कोणती?

त्यांनी पुढे सांगितले की, पनीरमध्ये प्रथिनांसह कॅल्शियमही भरपूर प्रमाणात असते; परंतु त्यात संतृप्त चरबीचे प्रमाण जास्त असते. ही बाब वजन कमी करणाऱ्यांसाठी किंवा हृदयरोग असलेल्या लोकांसाठी आदर्श नाही.

दुसरीकडे कदम यांनी सांगितले की, टोफू हे तिन्हीपैकी सर्वांत आरोग्यदायी आहे. कारण- त्यात चरबी आणि कॅलरीज कमी असतात; परंतु टेम्पेहच्या तुलनेत त्यात कमीत कमी प्रथिने असतात. म्हणूनच असा निष्कर्ष काढता येतो की, टोफू हा सर्वांत आरोग्यदायी प्रथिनांचा पर्याय आहे; विशेषतः वनस्पती-आधारित पोषक घटकांनी समृद्ध आणि हृदयाला अनुकूल अन्न शोधणाऱ्यांसाठी.