आजकाल खराब आहार आणि अस्वास्थ्यकर जीवनशैलीमुळे हृदयाशी संबंधित समस्या झपाट्याने वाढत आहेत. याचे मुख्य कारण रक्तदाब वाढणे आहे. खराब आहार आणि अस्वास्थ्यकर जीवनशैलीमुळे आजकाल अधिकाधिक लोक उच्च रक्तदाबाने ग्रस्त आहेत, उच्च रक्तदाब केवळ हृदयासाठी धोकादायक नाही तर जीवघेणा देखील आहे.
खरंतर, उच्च रक्तदाब हे फक्त मशीनवर दिसणारे आकडे नाहीत. ते तुमच्या हृदयावर शांतपणे दबाव टाकते, रक्तवाहिन्यांना नुकसान पोहोचवते आणि हृदयविकाराचा झटका, स्ट्रोक, किडनी रोग यांसारख्या गंभीर आजारांचा धोका वाढवते. सीडीसीच्या २०२३ च्या अहवालानुसार, अमेरिकेत ६,६४,४७० मृत्यू उच्च रक्तदाबामुळे झाले आहेत किंवा मृत्यूसाठी कारणीभूत ठरले आहबेत. बऱ्याचदा लोकांना पूर्णपणे सामान्य वाटते, परंतु आतून रक्तदाब शरीराला हानी पोहोचवत राहतो. अशा परिस्थितीत, त्याची काळजी घेणे आणि वेळीच काळजी घेणे खूप महत्वाचे आहे.
हृदयरोगतज्ज्ञ डॉ. सुधांशू राय यांनी त्यांच्या इंस्टाग्रामवर म्हटले आहे की, “उच्च रक्तदाब नियंत्रित करण्यासाठी नेहमीच महागडे आणि गुंतागुंतीचे उपाय आवश्यक नसतात. उच्च रक्तदाब नियंत्रित करण्यासाठी जीवनशैली आणि आहारात नियमितपणे छोटे बदल करणे आवश्यक आहे.
जेवणात मीठ कमी घाला
मीठामध्ये सोडियम असते आणि ते शरीरात पाणी टिकवून ठेवते, त्यामुळे रक्ताचे प्रमाण आणि दाब वाढतो. अतिरिक्त मीठाशिवाय जेवण करा आणि पॅकेज केलेले अन्न टाळा. जास्त सोडियम हृदयाच्या आरोग्यासाठी देखील हानिकारक आहे.
दररोज १ केळी खा
केळीमध्ये आढळणारे पोटॅशियम उच्च रक्तदाब नियंत्रित करण्यासाठी खूप प्रभावी आहे. पोटॅशियम शरीरातून सोडियम बाहेर काढण्यास मदत करते आणि रक्तवाहिन्यांना आराम देते. एका मध्यम आकाराच्या केळीमध्ये अंदाजे ४२२ मिलीग्राम पोटॅशियम असते.
दिवसातून दोनदा जास्वंदाच्या फूलाचा चहा प्या
अनेक अभ्यासातून असे दिसून आले आहे की जास्वंदाच्या फूलाचा चहा सिस्टोलिक आणि डायस्टोलिक बीपी दोन्ही कमी करते. जर उच्च रक्तदाब असलेल्या लोकांनी दररोजजास्वंदाच्या फूलाचा चहा प्यायला तर त्यांना १० आठवड्यांत फरक दिसून येतो.
जेवणात लसूण समाविष्ट करा
लसणात असलेले अ‍ॅलिसिन रक्तवाहिन्या पसरवते आणि धमन्यांचा कडकपणा कमी करते. या रक्तदाब नियंत्रणात होता आणि हृदयाचे आरोग्य चांगले राहते.
रोज ४० मिनिटे चालणे
शारीरिक हालचाली हा उच्च रक्तदाब नियंत्रित करण्याचा सर्वात प्रभावी मार्ग आहे. दररोज ४० मिनिटे चालल्याने हृदयाच्या आरोग्यावर, वजनावर आणि ताणतणावावर सकारात्मक परिणाम होतो.
कॉफीऐवजी ग्रीन टी घ्या
कॉफीमध्ये असलेले कॅफिन रक्तदाब त्वरित वाढवू शकते. त्याच वेळी, ग्रीन टीमध्ये अँटीऑक्सिडंट्स म्हणजेच कॅटेचिन असतात, जे रक्तवाहिन्या मजबूत करतात आणि ताण कमी करतात.
रोज मूठभर अक्रोड खा
अक्रोडमध्ये ओमेगा-३ फॅटी अॅसिड, मॅग्नेशियम आणि अँटीऑक्सिडंट्स भरपूर असतात. ते हृदयरोगाचा धोका कमी करते आणि रक्तदाब संतुलित ठेवते.
झोपण्यापूर्वी १० मिनिटे ध्यान करा
ताण हे उच्च रक्तदाबाचे एक प्रमुख कारण आहे. ध्यान तणाव संप्रेरक कॉर्टिसोल कमी करते आणि रक्तदाब स्थिर करते.
त्याच वेळी, एम्सचे माजी सल्लागार आणि साओल हार्ट सेंटरचे संस्थापक आणि संचालक डॉ. बिमल झजार म्हणाले की,”जर तुमचे कोलेस्ट्रॉल जास्त असेल तर तुम्ही प्राण्यांपासून मिळणारे अन्न खाणे टाळावे.”
