उजव्या कुशीवर झोपणे फायदेशीर की डाव्या? तुमच्या झोपेची योग्य पद्धत आरोग्यासाठी ठरेल फायदेशीर

सुदृढ आरोग्यासाठी कसे झोपावे?

निरोगी व्यक्तीसाठी झोप ही चांगली आहार आणि व्यायामाइतकीच महत्त्वाची आहे. पुरेशी झोप न घेतल्याने तुमच्या आरोग्यावर त्याचा वाईट परिणाम होतो. ज्यांना पुरेशी झोप मिळत नाही, त्यांना विविध मानसिक समस्यांना तोंड द्यावे लागू शकते. तज्ज्ञ आणि अनेक अभ्यासांमधून समोर आले आहे की, पाठीवर झोपणे आरोग्यासाठी सर्वांत फायदेशीर आहे. परंतु, एका कुशीवर झोपणेदेखील तितकेच फायदेशीर मानले जाते.

डाव्या कुशीवर झोपणे हे शरीरासाठी चांगले मानले जाते. तुम्हाला तुमच्या झोपण्याच्या स्थितीची आणि दिशेची म्हणजेच तुम्ही कोणत्या बाजूला झोपता याचीही जाणीव असली पाहिजे. हो, हे सर्व घटक तुमच्या आरोग्यावर परिणाम करतात. डाव्या कुशीवर झोपण्याचे हे फायदे आहेत.

• डाव्या कुशीवर झोपल्याने हृदयावर दबाव येत नाही.
• जेवणानंतर डाव्या कुशीवर झोपणे पचनसंस्थेसाठी फायदेशीर असते.
• छातीत जळजळ आणि आम्लपित्त यांपासून आराम.
• थकवा जाणवत नाही.
• गरोदरपणात डाव्या कुशीवर झोपणे फायदेशीर असते.
• डाव्या कुशीवर झोपल्याने मणक्यालाही फायदा होतो.
• बद्धकोष्ठतेची तक्रार निघून जाते.

उजव्या कुशीवर झोपण्याचे परिणाम

उजव्या कुशीवर झोपणे अनेकांसाठी हानिकारकदेखील असू शकते. उजव्या कुशीवर झोपल्याने तुमच्या पोटाच्या आरोग्यावर परिणाम होऊ शकतो आणि ते पचनसंस्थेसाठी हानिकारक मानले जाते. त्याशिवाय उजव्या कुशीवर झोपल्याने खांदेदुखी आणि मानेच्या समस्या उद्भवू शकतात.