Jaswand Flower Growing Tips: जास्वंदाचं रोप घरी असावं असं सगळ्यांनाच वाटतं. श्रीगणेशाचं आवडतं फूल म्हणजे जास्वंद. घरी बाप्पाची पूजा करताना आपल्या बागेत फुललेलं एखादं तरी फूल चरणावर वाहावं अशी अनेकांची इच्छा असते. याच इच्छेपोटी आपण बाजारातून जास्वंदाच्या फुलांची रोपं आणतो, त्याला वेळोवेळी सूर्यप्रकाश व पाणी देऊन त्याची निगासुद्धा राखतो, रोप तुम्ही लावलेल्या लहानश्या कुंडीत बहरत जातं, त्याला अगदी टवटवीत पाने येतात, पण कळ्या? कळ्या मात्र काही केल्या येतच नाहीत. अशावेळी काय करावं हे आज आपण पाहणार आहोत.
जास्वंदाच्या रोपाला वेगवेगळ्या पद्धतीची खते देणे खूप आवश्यक असते, यासाठी बाजारातून महाग सेंद्रिय खत किंवा केमिकल्स आणायची गरज नाही. पण, किचनमधील काही वस्तू वापरूनही काम पूर्ण करता येतं.
घर, अंगण आणि बागेची सुंदरता तेव्हाच वाढते, जेव्हा त्यात रंगीबेरंगी फुलं फुललेली असतात. असंच जास्वंदाचं झाडही आहे, जे फक्त दिसायला सुंदर नाही तर घराची शोभाही वाढवते. याची खासियत म्हणजे हे झाड कुंडीत सहज लावता येते आणि नीट काळजी घेतली तर हे खूप काळ सलग फुलं देतं.
राजधानी रायपूरचे गार्डनिंग तज्ज्ञ दादू सांगतात की जास्वंदाच्या हायब्रिड जातीची झाडं फार मोठी होत नाहीत. खास गोष्ट म्हणजे कुंडीत लावल्यापासून ३-४ दिवसांतच झाडावर फुलं येऊ लागतात आणि झाड वाढत गेल्यावर सतत फुलं येत राहतात.
गार्डनिंग तज्ज्ञ दादू म्हणतात की जास्वंद कुंडीत लावताना काही गोष्टींची काळजी घेणं खूप गरजेचं आहे. कुंडीत किमान एक खोल खोदलेला गड्ढा करून झाड लावावं. झाड लावल्यानंतर त्याभोवती माती नीट भरावी. खत मातीमध्ये मिसळून किंवा वरून टाकता येतं.
जास्वंदाच्या रोपाला ‘हे’ खत द्या (Hibiscus Fertilizer)
चहापावडर
जास्वंदाच्या वाढीसाठी जे घटक आवश्यक असतात जसे की, नायट्रोजन, पोटॅशियम, फॉस्फरस हे मुबलक प्रमाणात असतात त्यामुळे चहापावडरचा वापर झाडांसाठी जरूर करावा. १० ते १२ इंचाच्या एका कुंडीसाठी फक्त अर्धा चमचा या प्रमाणात याचा वापर करावा.
सुकलेल्या केळीच्या साली
केळीच्या साली झाडांसाठी फायदेशीर असतात. झाडांना भरपूर फुले येण्यासाठी केळीच्या सालीचा वापर जरूर करावा. केळीच्या सालीबरोबरच घरी असलेल्या बटाट्याच्या सालीचाही उपयोग तुम्ही खत म्हणून करू शकता. केळीच्या सालीचा खत म्हणून वापर केला तर झाडाला कळ्या-फुले जास्त प्रमाणात येतातच पण फुलांचा रंग गडद होण्यासाठी अतिशय फायदेशीर असतात. महिन्यातून एकदातरी या खताचा वापर करावा.
१० ते १२ इंचाच्या एका कुंडीमध्ये असलेल्या झाडाला फक्त अर्धा चमचा चहापावडर आणि एका केळीच्या सुकलेल्या साली खत म्हणून द्यायच्या.हे खत मातीमध्ये मिक्स केल्यानंतर भरपूर पाणी द्या.
