Liver Cancer Symptom: यकृताचा कर्करोग हा एक प्राणघातक आजार आहे, जो आजकालच्या वाईट जीवनशैली आणि खाण्याच्या सवयींमुळे वेगाने पसरत आहे, त्यामुळे अनेक आजारांचा धोका वाढत आहे. अहवालानुसार, भारतात ३८ हजारांहून अधिक यकृताच्या कर्करोगाचे रुग्ण आहेत, जे सतत वाढत आहेत. आयसीएमआरच्या मते, जर हा आजार प्रगत अवस्थेत आढळून आला आणि वेळेत उपचार केले तर या आजारापासून जीव वाचवता येऊ शकतो. मात्र, यकृताचा कर्करोग ही समस्या बनण्यापूर्वीच, शरीरावर लक्षणे दिसू लागतात, ज्यामध्ये गडद रंगाची लघवी हे प्रारंभिक लक्षण आहे. तज्ज्ञांच्या मते, लघवीचा रंग फिकट होणे हे अनेक आजारांचे प्रारंभिक लक्षण आहे. कावीळ, भूक न लागणे आणि कोणत्याही कारणाशिवाय वजन कमी होणे यांसारख्या इतर लक्षणांसह गडद रंगाची लघवी हे देखील यकृताच्या कर्करोगाचे लक्षण असू शकते.
यकृताच्या कर्करोगाची लक्षणे
अत्यंत थकवा
वजन कमी होणे
कावीळ
लघवीचा रंग गडद होणे
यकृताच्या समस्या, जसे की पोटात पाणी साचणे
गुरुग्राम येथील मेदांता हॉस्पिटलमधील इन्स्टिट्यूट ऑफ लिव्हर ट्रान्सप्लांटेशन अँड रिजनरेटिव्ह मेडिसिनचे अध्यक्ष डॉ. ए. एस. सोईन यांच्या मते, यकृताच्या कर्करोगाची समस्या अचानक उद्भवत नाही. ते म्हणाले की, यकृताचा कर्करोग होण्यापूर्वी यकृताशी संबंधित अनेक समस्या उद्भवतात. यकृतावर चरबी जमा होऊ शकते, ही चरबी अल्कोहोलिक किंवा नॉन-अल्कोहोलिक असू शकते. याशिवाय, हिपॅटायटीस बी आणि सी मुळे देखील यकृताचा कर्करोग होऊ शकतो.
या समस्यांमुळेही लघवीचा रंगदेखील बदलू शकतो
कावीळमुळे त्वचा आणि डोळ्यांचा पांढरा भाग पिवळा होतो. हे पित्तनलिकेत अडथळा किंवा यकृताच्या नुकसानीमुळे असू शकते. कावीळ झालेल्या लोकांना गडद लघवी आणि हलके मलदेखील येऊ शकतात. अशा परिस्थितीत एखाद्याला खाज सुटू शकते किंवा आजारीदेखील वाटू शकते.
मात्र, काही औषधे तुमच्या लघवीचा रंग बदलू शकतात. उदाहरणार्थ, अल्सर, अ‍ॅसिड रिफ्लक्सवर उपचार करण्यासाठी वापरल्या जाणाऱ्या सिमेटिडाइन (टॅगामेट एचबी) मुळे शौचाचा रंगदेखील बदलू शकतो.
याव्यतिरिक्त, शस्त्रक्रियेपूर्वी लोकांना आराम करण्यास मदत करण्यासाठी वापरले जाणारे औषध प्रोपोफोल (डिप्रीवन) मूत्राचा रंग बदलते असे म्हटले जाते. तसेच जुलाबामुळेदेखील लघवीचा रंग बदलतो.
