Hair Care : केसांच्या समस्यांपासून सुटका मिळवण्यासाठी आणि त्यांना निरोगी बनवण्यासाठी 'या' टिप्स ठरतील उपयुक्त | These tips will help you get rid of hair problems and make them healthy

Hair Care Tips : रोजच्या सवयीमध्ये काही बदल केल्यास केस निरोगी ठेवण्यासाठी मदत होऊ शकते.

These tips will help you get rid of hair problems and make them healthy

(Photo : Freepik)

केसांमुळे एखाद्या व्यक्तीचे सौंदर्य अधिक खुलते. आपण आकर्षक दिसाव असं प्रत्येकालाच वाटत असते, त्यामुळे केसांची विशेष काळजी घेतली जाते. त्यासाठी वेगवेगळे हेअर प्रोडक्ट्स वापरले जातात. वेगवेगळ्या ब्रँडचे शॅम्पू, कंडिशनर यांवर बराच खर्च केला जातो. असे बरेच उपाय करूनही कधीकधी अपेक्षित परिणाम दिसत नाही. कारण केसांना मुळापासून मजबुत करणे गरजेचे असते. आपल्या रोजच्या काही सवयींमुळे नकळत आपणच केसांचे नुकसान करत असतो, हे बऱ्याचदा लक्षात येत नाही. यासाठी काही टिप्स वापरून केसांची काळजी घेतली तर तुम्हाला केस निरोगी ठेवण्यात आणि त्यांचे सौंदर्य वाढवण्यात नक्की मदत मिळेल. कोणत्या आहेत त्या सवयी जाणून घ्या.

या टिप्स वापरून घ्या केसांची काळजी

केस स्ट्रेट करताना वापरण्यात येणाऱ्या हिटिंग टूल्स सतत वापरल्याने केस तुटू शकतात, त्यामुळे तज्ज्ञांच्या सल्ल्याने त्याचा वापर करावा.
केस धुताना जास्त गरम पाणी वापरणे टाळा, कारण यामुळे केस अधिक कोरडे होण्याबरोबर स्प्लिट एंडस वाढू शकतात. केस धुताना कोमट किंवा थंड पाण्याचा वापर करावा.
सतत केस धुणे टाळा, कारण यामुळे केसांमधील नैसर्गिक तेल निघून जाते आणि केसांना आवश्यक असणारे पोषण मिळत नाही.
केस सुकवण्यासाठी ब्लो ड्रायरचा वापर टाळा, कारण यामुळे इतर हिटिंग टूल्सप्रमाणे केसांचे नुकसान होऊ शकते.
ओल्या व तेलकट केसांमध्ये धूळ पटकन जमा होते त्यामुळे केसांना तेल लावल्यानंतर किंवा केस धुतल्यानंतर बाहेर जाणे टाळा.
बाहेर जाताना केस बांधा, केस खुले ठेवल्याने ते अधिक कोरडे होण्याची शक्यता असते.
केसांसाठी घातक असणाऱ्या अल्ट्राव्हायोलेट किरणांपासून सुरक्षित करण्यासाठी नेहमी बाहेर पडताना हेअर सनस्क्रिन लावा.
आठवड्यातून एकदा तरी केसांना मुळापासून नीट स्वच्छ करा, यामुळे केस निरोगी राहण्यास मदत मिळेल.

First published on: 29-10-2022 at 19:13 IST

Hair Care : केसांच्या समस्यांपासून सुटका मिळवण्यासाठी आणि त्यांना निरोगी बनवण्यासाठी ‘या’ टिप्स ठरतील उपयुक्त

Hair Care Tips : रोजच्या सवयीमध्ये काही बदल केल्यास केस निरोगी ठेवण्यासाठी मदत होऊ शकते.