सध्या असे वातावरण आहे की आपण जिकडे पाहावे तिकडे डास दिसतात आणि वेळोवेळी ते आपल्याला चावत असतात. अशावेळी आपण डास मारण्यासाठी कितीही उपकरणे, उत्पादने वापरली तरीही त्याचा काही फायदा होत नाही. उन्हाळ्यात गरमीमुळे आपण जितके त्रासलेले नसतो तितका त्रास आपल्याला डास चावण्याचा होत असतो. आपण डास घालवण्याचा कितीही प्रयत्न केला तरीही ते कोणत्या ना कोणत्या कोपऱ्यात लपून बसलेले असतात. आज आपण असे काही घरगुती उपाय जाणून घेऊया ज्यामुळे तुम्हाला होणारी डासांची समस्या दूर होण्यास मदत होईल. लसुणचा रस : डासांना दूर करण्यासाठी तुम्ही लसुणचा रस वापरू शकता. लसुणच्या उग्र वासामुळे डास जवळ येत नाहीत. यासाठी लसूणच्या पाकळ्या ठेचून पाण्यात उकळवा. हे पाणी स्प्रे बॉटलमध्ये भरून संपूर्ण खोलीत शिंपडा. असे केल्याने खोलीतील डास दूर होतील. Photos : आर्थिक गुंतवणुकीसाठी ‘हे’ आहेत सर्वोत्तम पर्याय; जाणून घ्या अधिक तपशील कॉफी : कॉफीचा वापर करूनही तुम्ही डासांना दूर पळवू शकता. जर तुम्हाला कधी वाटत असेल की एखाद्या ठिकाणी डास अंडी घालू शकतात, तर तिथे कॉफी पावडर टाका. असे केल्याने सर्व डास आणि त्यांची अंडी नष्ट होतील. पुदिना : तिसरा मार्ग म्हणजे पुदीना. पुदिन्याच्या सुगंधाने डासांना त्रास होतो. घरभर पेपरमिंट ऑइल शिंपडल्यास डास पळून जातील. कडुनिंबाचे तेल : कडुलिंबाचे तेल देखील डासांना घालवण्यासाठी उपयुक्त आहे. जर तुमच्याकडे डासांची समस्या असेल तर पाण्यात किंवा लोशनमध्ये कडुलिंबाचे तेल मिसळा आणि ते शरीरावर लावा. हे डासांना तुमच्या आजूबाजूला फिरण्यापासून रोखेल. सोयाबीनचे तेल : सोयाबीनचे तेलही डासांना घालवण्यासाठी उपयुक्त आहे. यासाठी रात्री हे तेल अंगावर लावून झोपा जेणेकरून तुम्हाला डास चावणार नाहीत. (येथे दिलेली माहिती घरगुती उपचार आणि सामान्य माहितीवर आधारित आहे.)