मोबाइल नंबर पोर्ट करायचाय? जाणून घ्या ‘ट्राय’चा नवा नियम

मोबाइल नंबर पोर्टेबिलिटीसाठी (MNP) आजपासून(दि.16) नवे नियम लागू

मोबाइल नंबर पोर्टेबिलिटीसाठी (MNP) आजपासून(दि.16) नवे नियम लागू होत आहेत. नव्या नियमांनुसार आता ग्राहकांना दुसऱ्या नेटवर्कमध्ये पोर्ट करण्यासाठी केवळ तीन ते पाच दिवसांचा कालावधी लागणार आहेत. पण आता नवे नियम लागू झाल्यामुळे पोर्टिंग प्रक्रिया अधिक वेगवान गतीने तसेच आणखी सोपी होणार असल्याचं टेलिकॉम रेग्युलेटरी अथॉरिटी ऑफ इंडियाने (TRAI)म्हटलं आहे.

आतापर्यंत मोबाइल क्रमांक दुसऱ्या क्रमांकात पोर्ट करण्यासाठी एका आठवडा ते 15 दिवसांचा कालावधी लागायचा. पण, नव्या नियमांनंतर केवळ तीन दिवसांचा वेळ लागेल. तर, एकाच सर्कलमधून दुसऱ्या सर्कलमध्ये नंबर पोर्ट करण्यासाठी नवे नियम लागू झाल्यानंतर 5 दिवस लागणार आहेत. ट्रायच्या नवीन नियमानुसार विशिष्ट पोर्टिंग कोड (यूपीसी) प्रक्रिया आणखी सोपी करण्यासाठी अटी घालण्यात आल्या आहेत. तीन दिवसांत मोबाइल नंबर पोर्ट करणे आवश्यक आहे. तसेच दुसऱ्या सर्कलमध्ये असलेल्या नंबरला पाच दिवसांत पूर्ण करावे लागणार आहे.
नव्या नियमांनुसार, पोस्टपेड मोबाइल कनेक्शन पोर्ट करण्याआधी ग्राहकाला आधीच्या नेटवर्क कंपनीच्या न भरलेल्या बिलाचा भरणा करणं आवश्यक असेल. तसंच, एखाद्या नेटवर्क कंपनीसोबत 90 दिवस सक्रिय राहिल्यानंतरच पोस्टपेड ग्राहक नव्याने नंबर पोर्ट करु शकतो. सर्व नियम व अटी पूर्ण करुनच दुसरी सेवा ग्राहकाला वापरता येणार आहे. यात कोणत्याही प्रकारच्या त्रुटी आढळल्यास पोर्ट नंबर करताना समस्या निर्माण होण्याची शक्यता आहे.

 

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व ट्रेंडिंग बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Trai issues new guidelines for mobile number portability know details sas

Next Story
आता रक्तदाब नियंत्रित करणार हातावरील ‘पट्टी’!
ताज्या बातम्या