भन्नाट! व्हॉट्सअॅप ग्रुपवर चुकून पाठवलेला मेसेज डिलिट करता येणार

‘इंडिपेन्डट’ने दिलेल्या माहितीनुसार, जर अनावधानाने एखाद्या ग्रुपमध्ये किंवा व्यक्तीला मेसेज गेले तर पाच मिनिटांच्या आत युजरला या फीचरमुळे ते मेसेज अनसेंड करता येतील. फक्त टेक्स्ट मेसेजच नाही तर फोटो, डॉक्युमेंट, व्हिडिओ, जीआयएफ देखील अनसेंड करता येणार आहे. पण समोरच्या व्यक्तीने तुमचा मेसेज लगेच वाचला तर मात्र तुमच्याकडे काहीच पर्याय नसेल.  या फीचरची यशस्वी चाचणी झाली असून लवकरच युजरला या फीचरचा लाभ घेता येणार आहे. व्हॉट्सअॅप बिटा इन्फोने ट्विटरवर केलेल्या पोस्टमध्ये लिहिलं आहे की, ‘व्हॉट्सअॅप डिलीट फॉर एव्हरीवन फीचरचं काम करत आहे. यामुळे पाठवण्यात आलेले मेसेज रिकॉल केले जात आहेत. कोणताही गाजावाजा न करता हे फीचर सुरु करण्यात येणार असून लवकरच युजर्सना ही सुविधा उपलब्ध होणार आहे’.

जगभरात सध्याच्या घडीला व्हॉट्सअॅप वापरणाऱ्यांची संख्या ही १२० कोटींच्या घरात आहे. २००९ साली सुरु करण्यात आलेल्या व्हॉट्सअॅप या कंपनीला २०१४ साली फेसबुकने तब्बल १९ अब्ज डॉलर्स मोजून विकत घेतले होते.

DELETE FOR EVERYONE NEWS!
[AVAILABLE SOON!] pic.twitter.com/GQ6eqbNvSn

— WABetaInfo (@WABetaInfo) September 12, 2017