शाओमीचा ‘दिवाळी धमाका’! केवळ एक रुपयात खरेदी करा Redmi K20, Mi Smart Band 4 - Marathi News | Xiaomi Diwali Sale Starts With Mi Redmi K20 For Rs 1 And Many More Offers Sas 89

अनेक उपकरणांवर ८० टक्के सवलत

शाओमी कंपनीने सणासुदीनिमित्त ग्राहकांना आकर्षित करण्यासाठी एक धमाकेदार सेल आणला आहे. Diwali with Mi असं या सेलचं नाव असून 28 सप्टेंबरपासून हा सेल सुरू झाला आहे. 4 सप्टेंबरपर्यंत सुरू राहणाऱ्या या सेल दरम्यान दररोज संध्याकाळी 4 वाजता एका विशेष फ्लॅशसेलचं आयोजन केलं जाईल. यामध्ये केवळ एक रुपयामध्ये Redmi K20, Mi Smart Band 4 सह शाओमीचे अनेक उपकरणे खरेदी करता येतील.

शाओमीचं अधिकृत संकेतस्थळ Mi.com वर Diwali with Mi हा सेल आयोजित करण्यात आला आहे. या सेलमध्ये अनेक उपकरणांवर ८० टक्के सवलत मिळेल. यात Mi Pocket स्पीकर, Mi Travel बॅकपॅक यांसारख्या प्रोडक्ट्सचाही समावेश आहे. सेल दरम्यान सकाळी 10 ते संध्याकाळी 6 या वेळेत क्रेझी डील्स असतील. याशिवाय , Mi ईअरफोन्सवर 50 टक्के सवलत मिळेल. तर, अनेक मोबाइल अॅक्सेसरीज अवघ्या 49 रुपयांमध्ये खरेदी करता येणार आहेत.

सेलमध्ये Redmi 7A स्मार्टफोन केवळ 4,999 रुपयांमध्ये खरेदी करता येणार आहे. यामध्ये एचडीएफसी बँकेकडून 10 टक्के सवलत देखील आहे. तसंच, Redmi Note 7 Pro या स्मार्टफोनवर 2,000 रुपयांची सवलत मिळेल. Redmi Y3 हा स्मार्टफोन 10 हजार रुपयांपेक्षा कमी किंमतीत उपलब्ध असेल. सेलमध्ये शाओमीच्या टीव्हींवर देखील सवलत असून यामध्ये 32 इंचाचा Mi LED TV 4A Pro, 32 इंचाचा Mi LED TV 4C Pro, 43 इंचाचा Mi LED TV 4A Pro आणि 55 इंचाचा Mi LED TV 4X Pro यांचा समावेश आहे. 10,000 mAh क्षमतेच्या Mi Power Bank 2i आणि Mi Band 3 वर देखील सेलमध्ये डिस्काउंट मिळेल.

First published on: 29-09-2019 at 15:46 IST

मराठीतील सर्व ट्रेंडिंग बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Xiaomi diwali sale starts with mi redmi k20 for rs 1 and many more offers sas