वऱ्हाडाच्या वाहनास अमळनेर तालुक्यातील अंमळगावजवळ झालेल्या अपघातात शिरपूर तालुक्यातील पिळोदा येथील १५ जण जखमी झाले. त्यातील चौघांची प्रकृती गंभीर आहे. पिळोदा येथील वऱ्हाड टेम्पोतून पारोळा तालुक्यातील शेवगे येथे जात असताना अंमळगावजवळ या वाहनाचे पाटे तुटल्याने टेम्पो रस्त्याच्या बाजूला खोल खड्डय़ात जाऊन उलटला. या वाहनात ५० ते ६० जण होते. जखमींवर अंमळगाव येथील प्राथमिक आरोग्य केंद्रात उपचार करण्यात आले. गंभीर चौघांना शिरपूर येथे हलविण्यात आले.