‘वारीत साप सोडणार’ हे संभाषण कोणाचे ते उघड करा-अजित पवार

यावर्षी आषाढी एकादशीला पंढरपूरमध्ये मुख्यमंत्री देवेंद्र फडणवीस आले नाहीत. मराठा समाजाने त्यांना आरक्षणाचा प्रश्न सुटल्याशिवाय विठ्ठलाची पूजा करू देणार नाही असा इशारा दिला होता. त्या पार्श्वभूमीवर प्रसारमाध्यमांशी बोलताना मुख्यमंत्र्यांनी वारीत साप सोडण्याचा डाव असल्याची माहिती मिळाल्याचे सांगितले होते. असे काही संभाषण मराठा बांधवांनी केले असेल यावर आपला विश्वास नाही असे उपमुख्यमंत्री अजित पवार यांनी म्हटले आहे. तसेच असे काही संभाषण असल्याचा दावा जर मुख्यमंत्री देवेंद्र फडणवीस आणि महसूल मंत्री चंद्रकांत पाटील करत आहेत तर हे संभाषण सार्वजनिक करावे असेही आव्हान अजित पवार यांनी दिले आहे. पुण्यात झालेल्या एका कार्यक्रमात त्यांनी हे आव्हान दिले.