23 February 2018

News Flash

भाजप प्रवेशासाठी ५ कोटींची ऑफर; शिवसेना आमदार हर्षवर्धन जाधव यांचा गौप्यस्फोट

२५ आमदारांना ऑफर दिल्याचा दावा

लोकसत्ता ऑनलाइन | Updated: November 15, 2017 11:12 AM

शिवसेनेचे आमदार हर्षवर्धन जाधव आणि महसूल मंत्री चंद्रकांत पाटील

भाजपमध्ये प्रवेश करण्यासाठी ५ कोटी रुपयांची ऑफर देण्यात आली होती, असा गौप्यस्फोट शिवसेनेचे आमदार हर्षवर्धन जाधव यांनी केला आहे. भाजप नेते आणि महसूल मंत्री चंद्रकांत पाटील यांनी ही ऑफर दिल्याचे हर्षवर्धन जाधव यांनी सांगितले. ‘माझ्यासह २५ आमदारांना भाजप प्रवेशासाठी पैशांची ऑफर देण्यात आली होती. गेल्या महिन्यात चंद्रकांत पाटील यांनी एका भेटीदरम्यान ही ऑफर दिली होती,’ असेही हर्षवर्धन यांनी म्हटले.

‘महसूल मंत्री चंद्रकांत पाटील यांनी गेल्या महिन्यात एका भेटीवेळी भाजप प्रवेशासाठी ५ कोटींची ऑफर दिली होती. माझ्यासह २५ आमदारांना भाजपकडून ही ऑफर देण्यात आली. पक्षात आल्यास निवडणुकीचा खर्च भाजपकडून करण्यात येईल, असे चंद्रकांत पाटील यांनी म्हटले होते,’ असे औंरगाबादच्या कन्नड मतदारसंघाचे आमदार असलेल्या हर्षवर्धन जाधव यांनी सांगितले. एबीपी माझा या वृत्तवाहिनीसोबत बोलताना त्यांनी ही माहिती दिली.

‘भाजपकडून पक्षप्रवेशासाठी ५ कोटींची ऑफर देण्यात आली होती. पैसे घ्या, पक्षाच्या आमदारकीचा राजीनामा द्या आणि भाजपकडून निवडून या, अशी ऑफर चंद्रकांत पाटील यांनी दिली होती. पक्षाच्या आमदारकीचा राजीनामा देऊन पोटनिवडणूक लढवल्यास त्याचा सर्व खर्च भाजपकडून केला जाईल. या निवडणुकीत पराभूत झाल्यास २०१९ मध्ये विधानपरिषदेवर संधी देण्यात येईल, असेही चंद्रकांत पाटील यांनी म्हटले होते,’ अशी माहिती हर्षवर्धन जाधव यांनी दिली. गेल्या महिन्याच्या २७-२८ तारखेला मुंबईतील चंद्रकांत पाटील यांच्या बंगल्यावर झालेल्या बैठकीवेळी ही ऑफर देण्यात आल्याचे त्यांनी सांगितले. भाजपकडून शिवसेनेच्या सर्वच आमदारांना अशा प्रकारची ऑफर देण्यात आल्याचा दावाही त्यांनी केला.

औरंगाबादचे शिवसेनेचे खासदार चंद्रकांत खैरे आणि आमदार हर्षवर्धन जाधव यांच्यामधील विळ्या भोपळ्याचे नाते सर्वश्रृत आहे. या दोन्ही नेत्यांनी एकमेकांची माहिती मिळवण्यासाठी माहिती अधिकाराचादेखील वापर केला आहे. या दोन्ही नेत्यांकडून सातत्याने एकमेकांना अडचणीत आणण्याचे प्रयत्न केले जातात. त्याचा फटका शिवसेनेला बसताना दिसत आहे. त्याच पार्श्वभूमीवर दोनच दिवसांपूर्वी शिवसेना पक्षप्रमुख उद्धव ठाकरे औरंगाबादमध्ये आले होते.

First Published on November 15, 2017 10:31 am

Web Title: bjp leader and revenue minister chandrakant patil offered rs 5 crore to join bjp says shivsena mla harshvardhan jadhav
  1. S
    Suhas
    Nov 15, 2017 at 2:58 pm
    असू शकते, भाजपचा इतिहास आहे नेते विकत घ्यायचा आणि हर्षवर्धन जाधवांचा पक्ष बदलण्याचा... काँग्रेस, MNS, शिवसेना...
    Reply
    1. K
      kailas
      Nov 15, 2017 at 2:55 pm
      चंद्रकांत पाटील स्वतःला संघ संस्कारातून आलेला कार्यकर्ता म्हणतात. त्यांच्या या करामती नव्या नाहीत. कोल्हापूर जिल्ह्यात साम, दाम, दंड आणि भेद या नीती वापरून संस्कारी दादांनी नेते भाजपमध्ये आणले. महा हे कोल्हापूर जिल्ह्यात लुटारू आणि माफिया राजकारणी म्हणून ओळखले जातात. चंद्रकांत दादांनी त्यांना पावन करुन घेतले. पार्टी वुईथ डिफरन्स असे एकेकाळी भाजप स्वतःची ओळख सांगायचा. अटलजी पंतप्रधान होते तोवर तसे होतेही. मोदींसारखा खोटारडा माणूस पंतप्रधान आणि तडीपार अध्यक्ष या पक्षाला लाभल्यापासून गेल्या तीन वर्षांत जी नैतिक घसरण भाजपची झाली तेवढी देशातील कुठल्याही पक्षाची झाली नसावी.
      Reply
      1. A
        Ameya
        Nov 15, 2017 at 2:20 pm
        नुसता आरोप करून काय उपयोग, पुरावे द्या. शिवसेनेच्या नेत्यांची विधाने हाळी कुणी गंभीरपणे घेत नाही, कारण त्यांच्या पक्षाध्यक्षांच्या वागण्या आणि बोलण्यातून पक्षाची प्रतिमा केवळ वाचाळ अशीच झाली आहे. जर एवढा गंभीर आरो केला आहे तर पुरावे द्या, अन्यथा अशा आरोपांना काही अर्थ उरात नाही. दुसरी गोष्ट अशी की जेव्हा पैसे देऊ केले तेव्हाच गौप्यस्फोट का नाही केला? आताच गुजरात निवडणुकांच्या मु ्तावर बोलण्याचा अर्थ काय काढावा? वाचकांच्या दुर्दैवाने आता गुजरात निवडणूक संपेपर्यंत अशी चिखलफेक सुरूच राहणार आणि ते रोज सर्वाना वाचावे लागणार. त्यात पुन्हा भाजपच्या विरोधातील आरोप असतील तर ती तर हेडलाईन असणार
        Reply
        1. G
          God Particle
          Nov 15, 2017 at 11:34 am
          भक्तांच्या प्रतिक्रिया जाणून घेण्यासाठी आम्ही उत्सुक आहोत.
          Reply
          1. S
            SG Mali
            Nov 15, 2017 at 11:26 am
            5 कोटी. इतकी मोठी लायकी?. कमीत कमी आपला दर तरी सांगायचा. अहो पायलीला पासरी शिवसैनिक आहेत. आणि हो आणखी एक. गुजरातेत आता निवडणुकीच्या हंगामात सुद्धा दर 1 कोटीचा आहे. मग आपला दर परवडण्यासारखा तरी ठेवायचा. आणि लोकसत्ताला वाटतो त्याप्रमाणे हा गौपयस्फोट वगैरे काही नाही. पाटलानी मामूली किंमत केली असेल पण आपला दर सांगायचा म्हणून गोंडस नाव गौपयस्फोट.
            Reply
            1. N
              Nandu Kukade
              Nov 15, 2017 at 10:42 am
              फारच कमी बोली लावली स्वत्:ची. का एवढी रकम हावी आहे पक्षांतराची?
              Reply
              1. Load More Comments