कोकण परिसरात दुर्मिळ असलेल्या ब्लॅक पॅंथरचे संगमेश्वर तालुक्यातील कोंडीवरे भागातील नागरिकांना नुकतेच अनपेक्षितपणे दर्शन झाले. त्या पँथरचा व्हिडिओ सध्या सोशल मीडियावर फिरत आहे. वन विभागाने या ब्लॅक पँथरच्या वावराबाबत दुजोरा दिला आहे. याआधी गुहागरमध्ये एक ब्लॅक पॅंथर विहिरीत पडून मरण पावला होता. त्यामुळे या कोकण परिसरात ब्लॅक पॅंथर असावा याला वनविभागाने दुजोरा दिला असून त्यांच्या हालचालीवर लक्ष करण्यासाठी लवकरच कॅमेरा बसवण्यात येणार असल्याचे अधिकाऱ्यांनी नमूद केले .
