कोपर्डी बलात्कार प्रकरणी न्यायालयात जवाब नोंदवण्याचे काम सुरू असून बचाव पक्षाने थेट मुख्यमंत्री देवेंद्र फडणवीस यांनाच साक्षीदार म्हणून बोलावण्याची मागणी केली आहे. या यादीत फडणवीस यांच्या नावाबरोबरच एका वर्तमानपत्राच्या संपादकांचेही नाव साक्षीदारांच्या यादीत समाविष्ट आहे. बचाव पक्षाचे वकील प्रकाश अहेर यांनी साक्षीदारांची यादी न्यायालयात सादर केली. विधानसभेत आणि एका वाहिनीला दिलेल्या मुलाखतीत आरोपीला फाशी देणार असल्याचे विधान मुख्यमंत्र्यांनी केले होते. त्या पार्श्वभूमीवर मुख्यमंत्र्यांचे नाव साक्षीदारांच्या यादीत समाविष्ट केले आहे. या अर्जावर ७ जुलैला सुनावणी होणार असून कोपर्डी बलात्कारप्रकरणी बचाव पक्षाने थेट मुख्यमंत्री देवेंद्र फडणवीस यांनाच साक्षीला बोलावण्याची तयारी केली आहे. बचावपक्षाच्या वकिलांनी साक्षीदारांच्या यादीत मुख्यमंत्र्यांचंही नाव घेतलं आहे. यातील तिसरा आरोपी नितीन भैलुमेने न्यायालयात आपल्यावरील सगळे आरोप नाकारले आहेत.
