News Flash

राज्यातील करोना बाधितांच्या संख्येचा आलेख वाढताच; दिवसभरात आठ हजार रुग्णांची भर

राज्यातील एकूण संख्या दोन लाख ७५ हजारांच्या पार

संग्रहित (एक्स्प्रेस फोटो - निर्मल हरिंद्रन)

राज्यातील करोनाचं थैमान अजूनही थांबलेलं नाही. मुंबईसह राज्यातील अनेक जिल्ह्यांमध्ये करोनाचा प्रसार वाढत असल्याचं दिसून येत आहे. त्यामुळे जवळपास सर्वच महानगरांमध्ये लॉकडाउनची स्थिती आहे. तर दुसरीकडे दिवसभरात आढळून येणाऱ्या रुग्णांचा आलेख मात्र चढताच असल्याचं दिसून येत आहे. राज्यात मंगळवारी सात हजारांच्या जवळपास रुग्ण आढळून आले होते. तर आज तब्बल आठ हजारांच्या जवळ रुग्ण आढळून आले आहेत.

राज्याचे आरोग्यमंत्री राजेश टोपे यांनी राज्यातील करोना बाधित रुग्णांची आकडेवारी जाहीर केली. राज्यात आज ७ हजार ९७५ बाधित रुग्णांची वाढ झाली आहे. त्यामुळे राज्यातील एकूण रुग्णसंख्या २ लाख ७५ हजार ६४० इतकी झाली आहे. आज नवीन ३ हजार ६०६ करोना बाधित रुग्ण बरे झाले आहेत. एकूण १ लाख ५२ हजार ६१३ रुग्ण बरे होऊन घरी परतले आहेत. तर राज्यात सध्या १ लाख ११ हजार ८०१ इतके रुग्ण सध्या उपचार घेत आहेत, अशी माहिती राजेश टोपे यांनी दिली.

राज्यात दिवसभरात आढळून येणाऱ्या रुग्णांच्या संख्येचं प्रमाण जुलैपासून सातत्यानं वाढत असल्याचं दिसून येत आहे. गेल्या आठवड्यात राज्यात दिवसभरातील उच्चांकी रुग्णसंख्येची नोंद झाली होती. मात्र त्यानंतर हा आकडा काही प्रमाणात कमी झाल्याचं दिसून आलं होतं. त्यात बुधवारी पुन्हा वाढ झालेली दिसली.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on July 15, 2020 9:21 pm

Web Title: coronavirus in maharashtra maharashtra records 7975 fresh cases bmh 90
टॅग : Coronavirus
Next Stories
1 सीबीएसई दहावीच्या निकालात अकोल्याचे विद्यार्थी चमकले
2 अकोल्यात करोना मृत्यूंची संख्या शतकाच्या उंबरठ्यावर
3 आता मास्क, सॅनिटायझरचे दरही निश्चित होणार; राज्य शासन नेमणार समिती
Just Now!
X