15 January 2021

News Flash

राज्यात आज नव्या रुग्णांइतकेच अ‍ॅक्टिव्ह रुग्ण झाले बरे

दिवसभरात ७० रुग्णांचा मृत्यू

(संग्रहित छायाचित्र)

राज्यात आज दिवसभरात जवळपास नव्या रुग्णांइतकेच अॅक्टिव्ह रुग्ण बरे झाल्याचे चित्र आहे. त्यामुळे राज्यासाठी ही दिलासादायक बातमी असून रुग्ण बरे होण्याचं वाढलेलं प्रमाणही समाधानकारक आहे. राज्याच्या आरोग्य विभागानं ही माहिती दिली आहे.

आरोग्य विभागाच्या माहितीनुसार, राज्यात दिवसभरात ३,५७९ नव्या रुग्णांची नोंद झाली आहे तर ३,३०९ अॅक्टिव्ह रुग्ण दिवसभरात बरे झाले आहेत. तसेच दिवसभरात ७० रुग्णांचा मृत्यू झाला आहे. या सर्व आकडेवारीमुळे राज्यातील एकूण रुग्णांची संख्या १९,८१,६२३ इतकी झाली असून एकूण १८,७७,५८८ रुग्ण बरे झाले आहेत. तसेच ५०,२९१ रुग्णांचा आजवर मृत्यू झाला आहे. तर राज्यात सध्या ५२,५५८ अॅक्टिव्ह रुग्ण आहेत.

दरम्यान, पुणे शहरात दिवसभरात २५९ करोनाबाधित रुग्ण आढळले. तर आजअखेर शहरातील एकूण रुग्णांची संख्या १,८२,४४८ वर पोहोचली आहे. दिवसभरात तीन रुग्णांचा मृत्यू झाला असून आजवर मृत्यू झालेल्या रुग्णांची संख्या ४,६९३ इतकी झाली आहे. दरम्यान, दिवसभरात ३८० रुग्णांचे अहवाल निगेटिव्ह आल्याने त्यांना घरी सोडण्यात आलं आहे. तर आजअखेर १ लाख ७५ हजार १५४ रुग्ण करोनामुक्त झाले आहेत. दरम्यान, पिंपरी-चिंचवड शहरात दिवसभरात १४६ करोनाबाधित रुग्णांची नोंद झाली असून १७ जण करोनामुक्त झाले आहेत. तर, दिवसभरात दोन रुग्णाचा उपचारादरम्यान मृत्यू झाला आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on January 14, 2021 9:29 pm

Web Title: in the state today there are as many active patients as there are new patients registered aau 85
टॅग Coronavirus
Next Stories
1 “प्यार किया तो डरना क्या’; धनंजय मुंडे प्रकरणी अब्दुल सत्तार यांची प्रतिक्रिया
2 धनंजय मुंडे यांना अप्रत्यक्ष मदत करणारे कृष्णा हेगडे आहेत तरी कोण?
3 धनंजय मुंडे आणि कृष्णा हेगडेंनंतर मनसेच्या मनीष धुरींचाही धक्कादायक खुलासा
Just Now!
X