20 September 2020

News Flash

न्यायालयाची जुनी इमारत करोना रुग्णांवरील उपचारांसाठी मिळावी म्हणून जलसमाधी आंदोलन

कोल्हापूर शहर व जिल्हा नागरी कृती समितीच्यावतीने करण्यात आले आंदोलन

कोल्हापूर येथील सीपीआर रुग्णालयासमोर असलेली न्यायालयाची जुनी रिकामी अवस्थेतील इमारत करोना उपचारासाठी वापरण्यास मिळवी या मागणीसाठी कोल्हापूर शहर व जिल्हा नागरी कृती समितीच्यावतीने पंचगंगा नदीत जलसमाधी आंदोलन करण्यात आले. तसेच, यामध्ये खोडा घालणाऱ्या अधिकाऱ्यांच्या विरोधात घोषणा देत, राज्य शासनाच्या अधिकाऱ्यांचे प्रतिकात्मक पंचगंगा नदीत विसर्जन केले गेले.

कोल्हापूरमध्ये करोना संसर्ग झपाट्यसाने वाढत आहे. उपचाराअभावी रुग्णांना जीव गमवावे लागत आहेत. जिल्हा रुग्णालय असलेल्या सीपीआर समोर जिल्हा न्यायालयाच्या इमारती पूर्णपणे धुळखात कुलूप बंद आहेत. त्या तात्पुरत्या वापरात घेऊन त्या ठिकाणी सीपीआरचे विस्तारीकरण करावे, अशी कृती समितीची मागणी आहे. मात्र राज्य शासनाच्या मुख्य सचिव व काही अधिकाऱ्यांनी दोन दिवसांपूर्वी या इमारतीची कोणी वैद्यकीय उपचारासाठी मागणी करु नये, असे आदेश काढले आहेत.

या अधिकाऱ्यानी कोल्हापूरकरांच्या जखमेवर मीठ चोळण्याचा प्रयत्न केला आहे. राज्य शासनाचे अधिकारी मनमानी करुन अनेकांच्या जीवाशी खेळ करत आहेत, असा आरोप करत समितीने त्यांचा आज निषेध केला. आंदोलनात अशोक पवार रमेश मोरे, दिलीप देसाई, रामभाऊ कोळेकर, उदय भोसले यांच्याश कार्यकर्ते सहभागी झाले होते.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on September 16, 2020 9:41 pm

Web Title: jalasamadhi agitation to get old court building for treatment of corona patients msr 87
टॅग Coronavirus
Next Stories
1 मराठा आरक्षणावरील बैठकीनंतर उद्धव ठाकरेंनी व्यक्त केला निर्धार, म्हणाले…
2 Coronavirus: राज्यात दिवसभरात २३ हजार ३६५ नव्या रुग्णांची नोंद, रिकव्हरी रेट ७०.७१ टक्क्यांवर
3 २४ हजारांवरुन थेट ४० हजार, आदिवासी भागातील वैद्यकीय अधिकाऱ्यांच्या मानधनात वाढ; अजित पवारांचा निर्णय
Just Now!
X