कराडमधील करोनाबाधित रुग्णाच्या निकट सहवासीताचा कोव्हिड-१९चा चाचणी अहवाल आज शुक्रवारी सकरात्मक आला. हा नवा रुग्ण कराडनजीकच्या मलकापूर येथील असून, आजवर कराड तालुक्यात ८६, तर सातारा जिल्ह्यातील ११५ करोनाग्रस्त निष्पन्न झाल्याची माहिती जिल्हा शल्यचिकित्सक डॉ. आमोद गडीकर यांनी दिली. सातारा जिल्ह्यात आज २४४ जणांचे कोव्हिड चाचणी अहवाल नकारात्मक आले. तर, १३४ जणांना विलगीकरण कक्षात दाखल करण्यात आले आहे. या सर्वाच्या घशाच्या स्त्रावांची चाचणी करण्यात येत आहे. सध्या जिल्ह्यात करोनाबाधित म्हणून ९३ जण उपचार घेत आहेत. तर, २० जण करोनामुक्त होऊन घरी परतले आहेत. तर, करोनाबाधित दोघांचा मृत्यू झालेला आहे.
