News Flash

शहापूरमध्ये ५ जणांचा करोना अहवाल पॉझिटिव्ह; एकूण संख्या १६ वर

या ठिकाणी आता कडक लॉकडाउन पाळण्यात येणार असल्याचं सांगण्यात आलं आहे.

संग्रहित छायाचित्र

करोना विषाणूच्या वाढत्या संख्येमुळे शहापूर तालुक्यावरील करोनाचे संकट अधिक तीव्र होत चालले आहे. शनिवारी तब्बल पाच रुग्ण कोरोना बाधित आढळून आले असून यात एका महिलेचा समावेश आहे. यानंतर तालुक्यातील करोना बाधित रुग्णांची एकूण संख्या १६ वर पोहोचली आहे. यापैकी एका रुग्णाचा आठ दिवसांपूर्वीच मृत्यू झाला होता.

तालुक्यातील वासिंद येथील दोन, शहापुरातील दोन व शेलवली (किन्हवली) येथील एक असे एकूण पाच रुग्ण सापडले आहेत. शहापुरच्या फिवर क्लिनिकमध्ये स्वॉबचे नमूने घेण्यात आले होते. त्यामध्ये या पाचही जणांचा अहवाल पॉझिटिव्ह आला आहे. दरम्यान, हे पाचही रुग्ण मुंबई महानगरपालिकेचे कर्मचारी असल्याचे समजते.

तालुक्यात वासिंद येथे सात, शहापूर, गोठेघर, खरीड व कसारा येथील प्रत्येकी १ असे ११ रुग्ण ठाणे व भिवंडी येथील रुग्णालयात उपचार घेत आहेत. तर शनिवारी यात ५ रुग्णांची भर पडली. यानंतर करोना बाधितांची एकूण संख्या १६ वर पोहोचली असल्याची माहिती तहसीलदार निलिमा सूर्यवंशी यांनी दिली. बाधित रुग्ण आढळून आलेल्या परिसरात कडक लॉकडाउन पाळण्यात येणार असून औषधांची दुकाने आणि दवाखाने वगळता सर्व बंद ठेवण्यात येणार आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on May 9, 2020 5:54 pm

Web Title: sharapur district new 5 coronavirus patient found number goes on 16 jud 87
टॅग : Coronavirus
Next Stories
1 राज्यातल्या वेगवेगळ्या जिल्ह्यात अडकून पडलेल्या लोकांसाठी सोमवारपासून मोफत एसटी सेवा
2 “…म्हणून अंत्यविधीला २० जणांना तर दारुच्या दुकानासमोर हजारोंना परवानगी” : संजय राऊत
3 पंढरपुरहून विशेष रेल्वेने ९८१ प्रवासी तामिळनाडूकडे रवाना
Just Now!
X